ಬೆಂಗಳೂರು: ಬರಗಾಲದ ಕುರಿತ ಚರ್ಚೆಯ ಸಂದರ್ಭದಲ್ಲಿ, ಕಾಂಗ್ರೆಸ್ ಸರ್ಕಾರದ ಐದು ಖಾತರಿ ಯೋಜನೆಗಳ ವಿಷಯವಾಗಿ ಬಿಜೆಪಿ ಶಾಸಕ ಸಿದ್ದು ಸವದಿ ಮತ್ತು ಸಹಕಾರ ಸಚಿವ ಲಕ್ಷ್ಮಣ ಸವದಿ ನಡುವೆ ತೀವ್ರ ವಾಗ್ವಾದ ನಡೆಯಿತು.
ವಿದ್ಯುತ್ ಪೂರೈಕೆಯಲ್ಲಿನ ಕೊರತೆಯಿಂದಾಗಿ ರೈತರು ತೀವ್ರ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ ಎಂದು ಹೇಳಿದ ಸಿದ್ದು ಸವದಿ, ಸರ್ಕಾರವು ಖಾತರಿ ಯೋಜನೆಗಳನ್ನು ನಿಲ್ಲಿಸಿ, ಆ ಹಣವನ್ನು ರೈತರಿಗೆ ವಿದ್ಯುತ್ ಒದಗಿಸಲು ಬಳಸಬೇಕೆಂದು ಆಗ್ರಹಿಸಿದರು.
ಈ ಯೋಜನೆಗಳಿಂದ ರೈತರಿಗೂ ಪ್ರಯೋಜನವಾಗುತ್ತಿದೆ ಎಂಬುದನ್ನು ವಿವರಿಸಿದ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್, ಯಾವ ಖಾತರಿ ಯೋಜನೆಯನ್ನು ಹಿಂಪಡೆಯಬೇಕು ಎಂದು ಪ್ರಶ್ನಿಸಿದರು. ಕೃಷಿ ಕುಟುಂಬಗಳ ಮಹಿಳೆಯರು ಉಚಿತ ಬಸ್ ಪ್ರಯಾಣದ ಯೋಜನೆಯನ್ನು ಬಳಸುತ್ತಿದ್ದಾರೆ ಮತ್ತು 'ಗೃಹಲಕ್ಷ್ಮಿ' ಹಾಗೂ 'ಗೃಹಜ್ಯೋತಿ' ಯೋಜನೆಗಳ ಪ್ರಯೋಜನಗಳು ರೈತರ ಮನೆಗಳಿಗೂ ತಲುಪುತ್ತಿವೆ ಎಂದು ಅವರು ಹೇಳಿದರು.
ಬರಗಾಲದ ಸಮಯದಲ್ಲಿ ಆರ್ಥಿಕವಾಗಿ ಸುಸ್ಥಿತಿಯಲ್ಲಿರುವವರಿಗೆ ನೀಡಲಾಗುವ ಸೌಲಭ್ಯಗಳನ್ನು ನಿಲ್ಲಿಸಿ, ಅವುಗಳನ್ನು ಕೇವಲ ಬಡತನ ರೇಖೆಗಿಂತ ಕೆಳಗಿರುವ (BPL) ಕುಟುಂಬಗಳಿಗೆ ಮಾತ್ರ ಸೀಮಿತಗೊಳಿಸಬೇಕು ಎಂದು ಬಿಜೆಪಿ ಶಾಸಕ ಸುರೇಶ್ ಗೌಡ ಹೇಳಿದರು.
ಯಾರನ್ನು "ಸುಸ್ಥಿತಿಯಲ್ಲಿರುವವರು" ಎಂದು ಪರಿಗಣಿಸಬೇಕು ಎಂದು ಶಿವಕುಮಾರ್ ಕೇಳಿದಾಗ, ಬಿಪಿಎಲ್ ವರ್ಗಕ್ಕೆ ಸೇರದವರನ್ನು ಹಾಗೆ ಪರಿಗಣಿಸಬೇಕು ಎಂದು ಗೌಡ ಉತ್ತರಿಸಿದರು. ಬಳಿಕ, ಐದು ಖಾತರಿ ಯೋಜನೆಗಳ ವಿರುದ್ಧ ವಾಗ್ದಾಳಿ ನಡೆಸಲು ಬಿಜೆಪಿ ಸಿದ್ದು ಸವದಿಯನ್ನು ಬಳಸಿಕೊಳ್ಳುತ್ತಿದೆ ಎಂದು ಲಕ್ಷ್ಮಣ ಸವದಿ ಆರೋಪಿಸಿದರು. ಬಿಜೆಪಿ ಕ್ಷೇತ್ರಗಳಲ್ಲಿ ಕರೆಂಟ್ ತಗೆಯುತ್ತಾರೆ. ಕಾಂಗ್ರೆಸ್ ಕ್ಷೇತ್ರ ಗಳಲ್ಲಿ ಹೆಚ್ಚು ಕರೆಂಟ್ ಕೊಡ್ತಾರೆ ಎಂದು ಸಿದ್ದು ಸವದಿ ಆರೋಪಿಸಿದರು. ಸವದಿ ಮಾತಿಗೆ ಶಾಸಕ ರಂಗನಾಥ್ ಆಕ್ಷೇಪ ವ್ಯಕ್ತಪಡಿಸಿದರು. ಇದೇ ವೇಳೆ ಸಿದ್ದು ಸವದಿಗೆ ಸಚಿವ ಲಕ್ಷ್ಮಣ್ ಸವದಿ ಕೌಂಟರ್ ನೀಡಿದರು.
ನಿಂದು ನಂದು ಅಕ್ಕಪಕ್ಕದ ಕ್ಷೇತ್ರಗಳೇ. ಸಿದ್ದು ಸವದಿ ಗ್ಯಾರಂಟಿ ಗಳನ್ನು ನಿಲ್ಲಿಸಲಿ ಎನ್ನುತ್ತಿದ್ದಾರೆ. ಪಕ್ಷದಲ್ಲಿ ಇದರ ಬಗ್ಗೆ ಚರ್ಚೆ ಯಾಗಿದೆ, ಅದನ್ನು ಹೇಳ್ತಿದ್ದಾರೆ. ಆದರೆ ಅಶೋಕ್ ತಡೆಯುತ್ತಿದ್ದಾರೆ ಎಂದರು. ಈ ವೇಳೆ ನಿಮ್ಮಂತವರಿಗೆ ಯಾಕೇ ಗ್ಯಾರಂಟಿ ಬೇಕು ಎಂದು ಸಿದ್ದು ಸವದಿ ತಿರುಗೇಟು ನೀಡಿದರು.
ಶಾಸಕ ಎಂ.ಟಿ ಕೃಷ್ಣಪ್ಪ ಮಾತನಾಡಿ, “ರೈತರ ಸಂಪೂರ್ಣ ಸಾಲವನ್ನು ಸರ್ಕಾರ ಮನ್ನಾ ಮಾಡಬೇಕು. ಈ ಹಿಂದೆ ಕುಮಾರಸ್ವಾಮಿ ಸಿಎಂ ಆಗಿದ್ದಾಗ 2 ಲಕ್ಷ ಸಾಲಮನ್ನಾ ಮಾಡಿದ್ದರು. ಈಗ ಸಿಎಂ ಅವರು ಸಂಪೂರ್ಣ ಸಾಲಮನ್ನಾ ಮಾಡಬೇಕು ಎಂಬುದು ನಮ್ಮ ಬೇಡಿಕೆಯಾಗಿದೆ. ಸರ್ಕಾರ ರೈತರ ಪರ ಕಾಳಜಿ ವಹಿಸಬೇಕು ಎಂದು ಒತ್ತಾಯಿಸಿದರು.
ಇಲ್ಲಿವರೆಗೂ ಸರ್ಕಾರ ಬೆಂಬಲ ಬೆಲೆ ಘೋಷಣೆ ಮಾಡಿಲ್ಲ. 1200 ಕೋಟಿ ರೈತರ ಕೊಡಬೇಕಾಗಿರೋ ಬಾಕಿ ಹಣ ಯಾವಾಗ ಕೊಡ್ತಿರಾ ಹೇಳಿ? ರಾಗಿ ಬೆಳೆಯ 1200 ಕೋಟಿ ಹಣ ಕೂಡಲೇ ಬಿಡುಗಡೆ ಮಾಡಬೇಕು. ಅಲ್ಲದೆ, ಎಕರೆಗೆ 50 ಸಾವಿರ ಪರಿಹಾರ ಕೊಡಬೇಕು ಎಂದು ಒತ್ತಾಯಿಸಿದರು.
