ಮೈಸೂರು: ಜಿಲ್ಲೆಯ ಶಾಸ್ತ್ರಿ ಪಬ್ಲಿಕ್ ಶಾಲೆಯ ವಾಹನವೊಂದು ಹರಿದು ಲತೀಕ್ಷಾ ಎಂಬ 19 ತಿಂಗಳ ಬಾಲಕಿ ಅದರಡಿ ಸಿಲುಕಿ ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ.
ನಾಲ್ಕು ವರ್ಷದ ಬಾಲಕ ಶಾಲೆಯಿಂದ ಮನೆಗೆ ಬಿಡಲು ಬಂದಿದ್ದ ಶಾಸ್ತ್ರಿ ಪಬ್ಲಿಕ್ ಸ್ಕೂಲ್ಗೆ ಸೇರಿದ ವಾಹನ ಹರಿದ ಪರಿಣಾಮ ಈ ಘಟನೆ ನಡೆದಿದೆ. ಬಾಲಕನ ತಾಯಿ ಬಸ್ನಿಂದ ಮಗುವನ್ನು ಕೆಳಗಿಳಿಸುತ್ತಿದ್ದಾಗ, ಶಾಲಾ ವಾಹನ ಇದ್ದಕ್ಕಿದ್ದಂತೆ ಮುಂದಕ್ಕೆ ಚಲಿಸಿದೆ. ಆಗ ಹತ್ತಿರದಲ್ಲೇ ನಿಂತಿದ್ದ ಲತೀಕ್ಷಾ ಎಂಬ ಬಾಲಕಿಗೆ ಡಿಕ್ಕಿ ಹೊಡೆದಿದೆ.
ವಾಹನದ ಚಕ್ರವು ಮಗುವಿನ ಮೇಲೆ ಹರಿದ ಪರಿಣಾಮ, ಆಕೆ ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ. 42 ವರ್ಷದ ಸಿದ್ದರಾಜು ಎಂದು ಗುರುತಿಸಲಾದ ಚಾಲಕನ ವಿರುದ್ಧ ದೂರು ದಾಖಲಿಸಲಾಗಿದೆ.
ಅಜಾಗರೂಕತೆ ಮತ್ತು ನಿರ್ಲಕ್ಷ್ಯದ ಚಾಲನೆಯೇ ಈ ಅಪಘಾತಕ್ಕೆ ಕಾರಣವೆಂದು ಮಗುವಿನ ಕುಟುಂಬ ಆರೋಪಿಸಿದ್ದು, ಚಾಲಕನ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ ಕೋರಿದೆ.
