ಬೆಳಿಗ್ಗೆ ಬೇಗ ಏಳುವುದು ಮತ್ತು ರಾತ್ರಿ ಬೇಗ ಮಲಗುವುದರಿಂದ ಖಿನ್ನತೆ ದೂರ

ಖಿನ್ನತೆ ದೂರ ಮಾಡುವುದರ ಕುರಿತು ಅಮೆರಿಕದ ಕೊಲೊರಾಡೋ ಬೌಲ್ಡರ್ ವಿಶ್ವವಿದ್ಯಾಲಯ ಹಾಗೂ ಬಾಸ್ಟನ್ ನಲ್ಲಿರುವ ಮಹಿಳಾ ಆಸ್ಪತ್ರೆಯ ಸಂಶೋಧಕರು ಮಹತ್ವದ ಸಂಗತಿಯನ್ನು ಕಂಡುಕೊಂಡಿದ್ದಾರೆ. 

ಅಧ್ಯಯನದ ಭಾಗವಾಗಿದ್ದ ಮಧ್ಯಮ ಹಾಗೂ ವಯಸ್ಸಾದ ಮಹಿಳೆಯರಿಯನ್ನು ಸಮೀಕ್ಷೆ ನಡೆಸಲಾಗಿದ್ದು, ಬೆಳಿಗ್ಗೆ ಬೇಗ ಏಳುವುದು ಹಾಗೂ ರಾತ್ರಿ ಬೇಗೆ ಮಲಗುವುದರಿಂದ ಖಿನ್ನತೆ ದೂರವಾಗಲಿದೆ ಎಂಬ ಅಂಶ ಬಹಿರಂಗವಾಗಿದೆ.  ಬೆಳಗ್ಗೆ ಬೇಗ ಏಳುವುದು ಮತ್ತು ರಾತ್ರಿ ಬೇಗ ಮಲಗುವ ಅಭ್ಯಾಸ ಹೊಂದಿರುವ ಮಹಿಳೆಯರಿಗೆ ಖಿನ್ನತೆ ಸಮಸ್ಯೆ ಕಾಡುವುದು ಅಪರೂಪವಾಗಿದೆ. 

ಬೇಗ ಮಲಗಿ ಬೇಗ ಏಳುವ ಅಭ್ಯಾಸಕ್ಕೂ ಖಿನ್ನತೆಗೂ ಸಂಬಂಧವಿದ್ದು, ವಂಶಾವಾಹಿ ಸಂಬಂಧಪಟ್ಟಿದೆ ಎಂದು ಮುಂಚೂಣಿ ಬರಹಗಾರರಾಗಿರುವ ಸೆಲೀನ್ ವೆಟರ್ ಅಭಿಪ್ರಾಯಪಟ್ಟಿದ್ದಾರೆ. ವಂಶಾವಾಹಿಗಳು ನಿದ್ರಾ ಕ್ರಮದ ಮೇಲೆ ಪರಿಣಾಮ ಬೀರುತ್ತವೆ ಎಂದು ಅಧ್ಯಯನ ವರದಿ ಹೇಳಿದ್ದು, ಸೈಕಿಯಾಟ್ರಿಕ್ ರಿಸರ್ಚ್ ಜರ್ನಲ್ ನಲ್ಲಿ ಪ್ರಕಟವಾಗಿದೆ.