ಮುಂಬೈ: ಮುಂಬೈ ವಿಮಾನದಲ್ಲಿ ಊಟ ಪೂರೈಸುವ ಸಿಬ್ಬಂದಿಯನ್ನು ಅಕ್ರಮ ಚಿನ್ನ ಕಳ್ಳಸಾಗಣೆಗೆ ಮಾಡುತ್ತಿದ್ದ ಆರೋಪದ ಮೇಲೆ ಕಸ್ಟಮ್ ಅಧಿಕಾರಿಗಳು ಬಂಧಿಸಿದ್ದಾರೆ.
ಅಕ್ರಮ ಚಿನ್ನ ಕಳ್ಳಸಾಗಣೆಗೆ ನೆರವಾದ ವಿಮಾನದಲ್ಲಿ ಅಡುಗೆ ಸಿಬ್ಬಂದಿಯಾಗಿಕೆಲಸ ಮಾಡುತ್ತಿದ್ದ ಅಬ್ದುಲ್ ರಜಾಕ್ ಶೇಕ್ ಮತ್ತು ಸಿರಾಜ್ ಮೊಹಮ್ಮದ್ ಸಯ್ಯದ್ ನನ್ನು ಅಧಿಕಾರಿಗಳು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ.
ಅಬ್ದುಲ್ ರಜಾಕ್ ಶೇಕ್ ಮತ್ತು ಸಿರಾಜ್ ಮೊಹಮ್ಮದ್ ಸಯ್ಯದ್ ತಮಗಿದ್ದ ತಪಾಸಣಾ ವಿನಾಯ್ತಿಯನ್ನು ದುರ್ಬಳಕೆ ಮಾಡಿಕೊಂಡು ಚಿನ್ನ ಕಳ್ಳಸಾಗಣೆ ಜಾಲದಲ್ಲಿ ತೊಡಗಿದ್ದರು. ಮುಂಬೈಗೆ ಬರುವ ವಿಮಾನಗಳಲ್ಲಿ ಸೀಟಿನ ಅಡಿಯಲ್ಲಿ ಚಿನ್ನ ಅಡಿಗಿಸಿ, ನಂತರ ಇಲ್ಲಿಗೆ ಬಂದ ಮೇಲೆ ಸಂಬಂಧಿಸಿದವರಿಗೆ ಅದನ್ನು ತಲುಪಿಸುತ್ತಿದ್ದರು ಎನ್ನಲಾಗಿದೆ.
ಆರೋಪಿಗಳಿಂದ ಅಕ್ರಮವಾಗಿ ತಂದಿದ್ದ 6.75 ಕೆ.ಜಿ. ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಮೂಲಗಳು ತಿಳಿಸಿವೆ.
Advertisement