ನಾವೇದ್‌ ನಿಯಂತ್ರಕರ ಪತ್ತೆ ಹಚ್ಚಿದ ಎನ್ಐಎ, ಶೀಘ್ರವೇ ಬಂಧನ ಸಾಧ್ಯತೆ

ಶ್ರೀನಗರ: ಜಮ್ಮು ಕಾಶ್ಮೀರದ ಉಧಂಪುರ ಉಗ್ರ ದಾಳಿಯಲ್ಲಿ ಜೀವಂತವಾಗಿ ಸೆರೆಸಿಕ್ಕ ಪಾಕ್‌ ಉಗ್ರ ಮೊಹಮ್ಮದ್‌ ನಾವೇದ್‌ ಯಾಕೂಬ್‌ ನನ್ನು ನಿಯಂತ್ರಿಸುತ್ತಿದ್ದವರನ್ನು ಎನ್ಐಎ ಪತ್ತೆ ಹಚ್ಚಿದೆ.

ನಾವೇದ್ ಯಾಕೂಬ್ ವಿಚಾರಣೆ ವೇಳೆ ಹಲವು ವಿಷಯಗಳ ಬಗ್ಗೆ ಎನ್ಐಎ ತನಿಖೆ ನಡೆಸಿದ್ದು, ಉಗ್ರರನ್ನು ನಿಯಂತ್ರಿಸುತ್ತಿದ್ದವರ ಕುರಿತೂ ಮಾಹಿತಿ ಪಡೆದಿದೆ. ಶೀಘ್ರವೇ ನಾವೆದ್ ನಿಯಂತ್ರಕರನ್ನು ಬಂಧಿಸುವ ಸಾಧ್ಯತೆ ಇದೆ, ಇದಕ್ಕೂ ಮುನ್ನ ಉಗ್ರ ನಾವೆದ್ ನನ್ನು ಮ್ಯಾಜಿಸ್ಟ್ರೇಟ್ ಮುಂದೆ ಹಾಜರುಪಡಿಸಲಾಗುತ್ತದೆ. ಈ ವೇಳೆ ಆತ ತನ್ನ ತಪ್ಪನ್ನು ಒಪ್ಪಿಕೊಳ್ಳಲಿದ್ದಾನೆ ಎಂದು ನಿರೀಕ್ಷಿಸಲಾಗಿದೆ.

ಇಂದು ನಾವೇದ್ ನನ್ನು ಎನ್ಐಎ ಕೋರ್ಟ್ ಎದುರು ಹಾಜರುಪಡಿಸಲಾಗಿತ್ತು, ಈ ವೇಳೆ ಆರೋಪಿ ತಪ್ಪೊಪ್ಪಿಕೊಳ್ಳಲು ಇಚ್ಛಿಸುತ್ತಿದ್ದಾನೆ ಎಂದು ತನಿಖಾ ಸಂಸ್ಥೆ ಕೋರ್ಟ್ ಗೆ ತಿಳಿಸಿದೆ.