ನವದೆಹಲಿ: ಬೋಯಿಂಗ್ 787-900 ವಿಮಾನ ಹಾರಾಟವನ್ನು ಅ.25ರಿಂದ ಆರಂಭಿಸಲಾಗುವುದು ಎಂದು ಬ್ರಿಟಿಷ್ ಏರ್‍ವೇಸ್ ಸೋಮವಾರ ಹೇಳಿದೆ. ಬ್ರಿಟೀಷ್ ಏರ್‍ವೇಸ್ ಭಾರತದಲ್ಲಿ ಬೋಯಿಂಗ್ ಹಾರಾಟ ಆರಂಭಿಸಿದ ಮೊದಲ ಕಂಪನಿಯಾಗಿದೆ.
ನವೆಂಬರ್‍ನಲ್ಲಿ ಏರ್‍ಕೆನಡಾ ಸಹ ಈ ವಿಮಾನ ಹಾರಾಟ ಆರಂಭಿಸಲಿದ್ದು ಎರಡನೇ ಕಂಪನಿಯಾಗಲಿದೆ. ಈ ಹೊಸ ವಿಮಾನ 216 ಆಸನಗಳನ್ನು ಹೊಂದಿದೆ. ಐಷಾರಾಮಿ ಪ್ರಥಮ ದರ್ಜೆ ಹೊಂದಿದೆ. ಅಮೆರಿಕದ ನಂತರ ಭಾರತ ನಮಗೆ ಅತಿದೊಡ್ಡ ಮಾರುಕಟ್ಟೆಯಾಗಿದೆ.
ನಮ್ಮ ಜಾಗತಿಕ ಕಾರ್ಯಾಚರಣೆ ಯೋಜನೆಯಲ್ಲಿ ದೆಹಲಿ- ಲಂಡನ್ ಮಾರ್ಗ ಮೊದಲನೆಯದಾಗಿದೆ ಎಂದು ಬ್ರಿಟಿಷ್ ಏರ್‍ವೇಸ್‍ನ ದಕ್ಷಿಣ ಏಷ್ಯಾ ವಾಣಿಜ್ಯ ವಿಭಾಗದ ವ್ಯವಸ್ಥಾಪಕ ಮೋರನ್ ಬರ್ಗೇರ್ ಹೇಳಿದ್ದಾರೆ. ಅ.25ರಿಂದ ಡಿ.31ರವರೆಗೆ ಸಾಮಾನ್ಯ ದರ್ಜೆ ಪ್ರಯಾಣಿಕರಿಗೆ ಶೇ.50ರಷ್ಟು ವಿನಾಯಿತಿ ನೀಡಲಾಗಿದೆ ಎಂತಲೂ ಅವರು ಹೇಳಿದ್ದಾರೆ.
