ನವದೆಹಲಿ: ಫ್ರಾನ್ಸ್ ನಿಂದ 36 ರಫೇಲ್ ಯುದ್ದ ವಿಮಾನ ಪೂರೈಕೆ ಸಂಬಂಧ ಮಾತುಕತೆ ಶೀಘ್ರವೇ ಅಂತಿಮವಾಗಲಿದೆ ಎಂದು ಕೇಂದ್ರ ರಕ್ಷಣಾ ಸಚಿವಾ ಮನೋಹರ್ ಪರಿಕ್ಕರ್ ಹೇಳಿದ್ದಾರೆ.
ಮುಂದಿನ ಎರಡು ಮೂರು ತಿಂಗಳಲ್ಲಿ ರಕ್ಷಣಾ ಇಲಾಖೆ ವಿಮಾನ ಖರೀದಿ ಸಂಬಂಧಿಸಿದ ಎಲ್ಲಾ ಪ್ರಕ್ರಿಯೆಗಳು ಪೂರ್ಣಗೊಳ್ಳಲಿವೆ ಎಂದು ಹೇಳಿದರು. 36 ಯುದ್ಧ ವಿಮಾನ ಪೂರೈಕೆ ಸಂಬಂಧ ಫ್ರಾನ್ಸ್ ಸಚಿವ ಜೀನ್ ಯವಿಸ್ ಡ್ರೇಯನ್ ಶೀಘ್ರವೇ ಭಾರತಕ್ಕೆ ಆಗಮಿಸಲಿದ್ದು, ಒಪ್ಪಂದ ಸಂಬಂಧಿಸಿದಂತೆ ಶೀಘ್ರವೇ ಒಪ್ಪಂದಕ್ಕೆ ಸಹಿ ಹಾಕಲಿದ್ದಾರೆ ಎಂದರು.
ಭಾರತದಲ್ಲಿ ನೌಕಾನೆಲೆ ಸ್ಥಾಪಿಸಲು ಪಾಲುದಾರಿಕೆಗೆ ಯಾರು ಮುಂದೆ ಬರುತ್ತಾರೆ ಎಂದು ಕಾಯುತ್ತಿರುವುದಾಗಿ ತಿಳಿಸಿದರು. ಇದಕ್ಕೆ ಯಾವ ಸಂಸ್ಥೆಗಳು ಕೈ ಜೋಡಿಸುತ್ತವೆ ಎಂಬುದು ಸದ್ಯದ ಕೂತುಹಲವಾಗಿದೆ.
ಸಹಭಾಗಿತ್ವದಲ್ಲಿ ನೌಕಾನೆಲೆ ಸ್ಥಾಪಿಸುವ ವಿಚಾರ ಮೋದಿ ಅವರ ಮೇಕ್ ಇನ್ ಇಂಡಿಯಾ ಕನಸಿಗೆ ಸಹಕಾರಿಯಾಗಲಿದೆ ಎಂದರು.
Advertisement