ಚೀನಾ ಜಾಲತಾಣದಲ್ಲಿ ಮೋದಿ ಖಾತೆ

ಬೀಜಿಂಗ್: ಚೀನಾ ಭೇಟಿ ಮುಂಚಿತವಾಗಿ ಪ್ರಧಾನಿ ನರೇಂದ್ರ ಮೋದಿ ಚೀನಾದ ಪ್ರಖ್ಯಾತ ಸಾಮಾಜಿಕ ಜಾಲತಾಣ `ಸಿನಾ ವೈಬೋ'ನಲ್ಲಿ ಅಕೌಂಟ್ ತೆರೆದಿದ್ದಾರೆ.

ಈ ಮೈಕ್ರೋಬ್ಲಾಗ್ ಸುಮಾರು 50 ಕೋಟಿಗೂ ಅಧಿಕ ಬಳಕೆದಾರರನ್ನು ಹೊಂದಿದೆ. ಮೋದಿ ಅವರು ಈ ಜಾಲತಾಣವನ್ನು ಸೇರಿದ ಮೊದಲ ಭಾರತೀಯ ಆಗಿದ್ದಾರೆ. ಅವರು ಮೇ 14ರಿಂದ 16ರವರೆಗೆ ಚೀನಾಗೆ ಪ್ರವಾಸ ನಡೆಸಲಿದ್ದಾರೆ. ಈ ಹಿನ್ನೆಲೆಯಲ್ಲಿ ಅವರು ಚೀನಾದ ಜನರೊಂದಿಗೆ ಸಂಪರ್ಕವಿಟ್ಟುಕೊಳ್ಳಲು ಜಾಲತಾಣಕ್ಕೆ ಸೇರಿ ಕೊಂಡಿದ್ದಾರೆ.

`ಹೆಲೋ ಚೀನಾ. ವೈಬೋ ಮೂಲಕ ಚೀನಾದ ಸ್ನೇಹಿತರೊಂದಿಗೆ ಸಂವಹನ ನಡೆಸಲು ಉತ್ಸುಕನಾಗಿದ್ದೇನೆ' ಎಂದು ಮೋದಿ ಪೋಸ್ಟ್ ಮಾಡಿದ್ದಾರೆ. ಮೋದಿ ಅವರು `ವೈಬೋ'ದಲ್ಲಿ ಖಾತೆ ತೆರೆದ ಒಂದು ಗಂಟೆಯಲ್ಲೇ 7 ಸಾವಿರಕ್ಕೂ ಅಧಿಕ ಮಂದಿ ಲೈಕ್ ಮಾಡಿದ್ದಾರೆ. ಚೀನಾದಿಂದ ಸ್ವಾಗತದ ಮಹಾಪೂರ ಹರಿದುಬಂದಿದೆ.

`ಮತ್ತೊಬ್ಬ ಅಂತಾರಾಷ್ಟ್ರೀಯ ನಾಯಕ ವೈಬೋ ಸೇರಿದ್ದಾರೆ' ಎಂದು ಒಬ್ಬರು ಪೋಸ್ಟ್ ಮಾಡಿದ್ದರೆ, ಇನ್ನೊಬ್ಬರು ಮೋದಿ ಅವರನ್ನು `ಹ್ಯಾಂಡ್‍ಸಮ್ ಎಂದು ಹೊಗಳಿದ್ದಾರೆ. ಮೋದಿ ಗುಜ ರಾತ್ ಸಿಎಂ ಆಗಿದ್ದಾಗ ಹಲವು ಬಾರಿ ಬೀಜಿಂಗ್‍ಗೆ ಭೇಟಿ ನೀಡಿದ್ದರು. ಪ್ರಧಾನಿಯಾದ ಬಳಿಕ ಮೊದಲ ಬಾರಿ ಚೀನಾಗೆ ಪ್ರವಾಸ ಹಮ್ಮಿಕೊಂಡಿದ್ದಾರೆ.