ದೆಹಲಿ ತಾಂತ್ರಿಕ ವಿಶ್ವವಿದ್ಯಾಲಯ(ಡಿಟಿಯು)ದಲ್ಲಿ ವ್ಯಾಸಂಗ ಮಾಡುತ್ತಿರುವ ದೆಹಲಿಯ ಚೇತನ ಕಕ್ಕರ್ ಅವರಿಗೆಗೆ ಗೂಗಲ್ ಕಂಪನಿ ವರ್ಷಕ್ಕೆ 1.27 ಕೋಟಿ ರು. ವೇತನ ಪ್ಯಾಕೇಜ್ ನ ಕೆಲಸ ನೀಡಿದೆ.
ಕ್ಯಾಂಪಸ್ ಪ್ಲೇಸ್‌ಮೆಂಟ್ ಸಂದರ್ಭದಲ್ಲಿ ಇದು ಅಮೆರಿಕ ಮೂಲದ ಇಂಟರ್‌ನೆಟ್ ದೈತ್ಯ ಗೂಗಲ್ ಆಫರ್ ಮಾಡಿದ ದೊಡ್ಡ ಮೊತ್ತದ ಪ್ಯಾಕೇಜ್ ಇದಾಗಿದೆ.
ಮಾಹಿತಿ ತಂತ್ರಜ್ಞಾನ ವಿಭಾಗದಲ್ಲಿ ಅಂತಿಮ ವರ್ಷದಲ್ಲಿ ವ್ಯಾಸಂಗ ಮಾಡುತ್ತಿರುವ ಚೇತನ್ ಕಕ್ಕರ್ ಗೂಗಲ್ ನೀಡಿದ ಆಕರ್ಷಕ ಆಫರ್ ಒಪ್ಪಿಕೊಂಡಿದ್ದು, ಅಂತಿಮ ವರ್ಷದ ಪರೀಕ್ಷೆಗಳು ಮುಗಿದ ನಂತರ ಕ್ಯಾಲಿಫೋರ್ನಿಯಾದ ಗೂಗಲ್ ಕಚೇರಿಗೆ ತೆರಳಲಿದ್ದಾರೆ.
ನನ್ನ ನಿರಂತರ ಶ್ರಮಕ್ಕೆ ತಕ್ಕ ಪ್ರತಿಫಲ ಸಿಕ್ಕಿದ್ದು ಗೂಗಲ್ ಸಂಸ್ಥೆಯೊಂದಿಗೆ ಕಾರ್ಯನಿರ್ವಹಿಸಲು ಉತ್ಸುಕನಾಗಿದ್ದೇನೆ ಎಂದು ಚೇತನ್ ಕಕ್ಕರ್ ಹೇಳಿದ್ದಾರೆ.
