ಆಗ್ರಾ: ಪ್ರೇಮಿಗಳ ತವರು ಎನಿಸಿಕೊಂಡಿರುವ ವಿಶ್ವವಿಖ್ಯಾತ ತಾಜ್ ಮಹಲ್ ನಲ್ಲಿ ಇದೇ ಮೊದಲ ಬಾರಿಗೆ ಬಲೂನ್ ಫೆಸ್ಟಿವಲ್ ನಡೆಯಲಿದ್ದು, ಇದಕ್ಕಾಗಿ ಉತ್ತರ ಪ್ರದೇಶ ಸರ್ಕಾರ ಸಕಲ ಸಿದ್ಧತೆಗಳನ್ನು ಮಾಡಿಕೊಳ್ಳುತ್ತಿದೆ.
ಉತ್ತರ ಪ್ರದೇಶದ ನಡೆಸುತ್ತಿರುವ ಈ ಬಲೂನ್ ಫೆಸ್ಟಿವಲ್ ನಲ್ಲಿ ಸುಮಾರು 12ಕ್ಕೂ ದೇಶಗಳು ಭಾಗವಹಿಸಲಿದ್ದು, 15ಕ್ಕೂ ಹೆಚ್ಚು ವಿವಿಧ ಬಣ್ಣದ ಏರ್ ಬಲೂನ್ ಗಳೂ ಬಾನಂಗಳದಲ್ಲಿ ಹಾರಾಟಡಲಿದೆ.
ಎವಿಯೇಶನ್, ಸಾಹಸಮಯ ಪ್ರವಾಸೋದ್ಯಮವನ್ನು ರಾಜ್ಯದಲ್ಲಿ ಬೆಳೆಸುವ ನಿಟ್ಟಿನಲ್ಲಿ ಉತ್ತರ ಪ್ರದೇಶ ಸರ್ಕಾರ ಈ ಕಾರ್ಯಕ್ರಮವನ್ನು ಆಯೋಜಿಸಿದ್ದು, ತಾಜ್ ಬಲೂನ್ ಫೆಸ್ಟಿವಲ್ ಇದೇ ನವಂಬರ್ 14ರಿಂದ 16ರವರೆಗೆ ಮೂರು ದಿನಗಳ ಕಾಲ ನಡೆಯಲಿದೆ ಎಂದು ತಿಳಿದುಬಂದಿದೆ.
ತಾಜ್ ಬಲೂನ್ ಫೆಸ್ಟಿವಲ್ ನಲ್ಲಿ ಭಾಗವಹಿಸಲು ಪ್ರತಿಯೊಬ್ಬ ವ್ಯಕ್ತಿ ರು.15 ಸಾವಿರ ಪಾವತಿಸಬೇಕಿದ್ದು, ಒಬ್ಬರಿಗೆ ಒಂದು ಗಂಟೆಗಳ ಕಾಲ ಅವಕಾಶವನ್ನು ನೀಡಲಾಗಿದೆ. ತಾಜ್ ಬಲೂನ್ ಫೆಸ್ಟಿವಲ್ ನಲ್ಲಿ ವಿಶ್ವಸಂಸ್ಥೆ, ಅಮೆರಿಕಾ, ಸ್ಪೇನ್, ಜರ್ಮನಿ, ಭಾರತದ ಉನ್ನತ ತಜ್ಞರು ಸೇರಿದಂತೆ 12 ದೇಶಗಳು ಭಾಗವಹಿಸಲಿದ್ದು. ತಮ್ಮ ಕೌಶಲ್ಯವನ್ನು ಪ್ರದರ್ಶಿಸಲಿದ್ದಾರೆ ಎಂದು ತಿಳಿದುಬಂದಿದೆ.
