ರಾಂಚಿ: ತಾಪಮಾನ ಏರಿಕೆಯಿಂದಾಗಿ ಜಾರ್ಖಂಡ್ ನಲ್ಲಿ ನೀರಿನ ಮೂಲಗಳು ಬಹುತೇಕ ಬತ್ತಿ ಹೋಗಿದ್ದು, ನೀರಿನ ಸಮಸ್ಯೆ ಶುರುವಾಗಿದೆ. ಇದರಿಂದ ಬೇಸತ್ತ ವ್ಯಕ್ತಿಯೊಬ್ಬ ಬಾವಿಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.
ರಾಂಚಿಯ ಪೂರ್ಣನಗರ ಮೂಲದ ದಿಲೀಪ್ ಯಾದವ್ ಬಾವಿಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ.
ದಿಲೀಪ್ ಯಾದವ್ ಬೋರ್ ವೆಲ್ ಕೊರೆಸಲು ಸಾಲ ತೆಗೆದುಕೊಂಡಿದ್ದು, ತಮ್ಮ ಜಮೀನಿನಲ್ಲಿ 700 ಅಡಿಗಳಷ್ಟು ಬೋರ್ ವೆಲ್ ಕೋರೆಸಿದರು. ಆದರೆ ನೀರು ಸಿಗದಿದ್ದರಿಂದ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಕುಟುಂಬ ಸದಸ್ಯರು ಹೇಳಿದ್ದಾರೆ.
ಉಷ್ಣ ಗಾಳಿ ಹಾಗೂ ನೀರಿನ ಸಮಸ್ಯೆಗೆ ಜಾರ್ಖಂಡ್ ಉತ್ತಮ ನಿರ್ದೇಶನವಾಗಿದೆ. ನೀರಿನ ಮೂಲಗಳು ಬಹುತೇಕ ಬತ್ತಿಹೋಗಿದ್ದು, ಇನ್ನು ಕಲುಷಿತ ನೀರನ್ನೇ ಬಳಸಲು ಹಳ್ಳಿಗರು ಮುಂದಾಗಿದ್ದಾರೆ.
