ತಿನಸುಕಿಯಾ: ಅಸ್ಸಾಂನ ತಿನಸುಕಿಯಾ ಜಿಲ್ಲೆಯ ದೂಮ್ ದೂಮಾ ಪ್ರದೇಶದ ಬದಲ್ಬೆಟ್ಟಾ ಹಳ್ಳಿಯಲ್ಲಿ ಕಚ್ಚಾ ಬಾಂಬ್ ಸ್ಫೋಟಗೊಂಡ ಘಟನೆ ಗುರುವಾರ ಬೆಳಗ್ಗೆ ನಡೆದಿರುವ ಬಗ್ಗೆ ವರದಿಯಾಗಿದೆ. ಅದೃಷ್ಟವಶಾತ್ ಈ ದಾಳಿಯಲ್ಲಿ ಯಾವುದೇ ಸಾವು – ನೋವು ಸಂಭವಿಸಿಲ್ಲ ಎಂದು ಪ್ರಾಥಮಿಕ ಮಾಹಿತಿಯಿಂದ ತಿಳಿದುಬಂದಿದೆ.
ಮಣಿಪುರದ ಇಂಫಾಲ್ಗೆ ಸಮೀಪದಲ್ಲಿರುವ ಬಿಎಸ್ಎಫ್ ಕ್ಯಾಂಪ್ ಗುರಿಯಾಗಿಸಿಕೊಂಡು ನಡೆಸಲಾದ ಬಾಂಬ್ ದಾಳಿಯಲ್ಲಿ 7 ವರ್ಷದ ಮಗುವೊಂದು ಗಾಯಗೊಂಡ ಪ್ರಕರಣದ ಬೆನ್ನಿಗೆ ಇದೀಗ ಬದಲ್ಬೆಟ್ಟಾ ಹಳ್ಳಿಯಲ್ಲಿ ಈ ಘಟನೆ ನಡೆದಿರುವುದು ಸಾಕಷ್ಟು ಅನುಮಾನಗಳಿಗೆ ಕಾರಣವಾಗಿದೆ.
ಆಗಸ್ಟ್ 5ರಂದು ಅಸ್ಸಾಂನ ಕೊಕ್ರಜಾರ್ ಪಟ್ಟಣದಲ್ಲಿ ಉಗ್ರರು ನಡೆಸಿದ ಬಾಂಬ್ ದಾಳಿಯಲ್ಲಿ 13 ಮಂದಿ ಸಾವನ್ನಪ್ಪಿ, ಅನೇಕ ಮಂದಿ ತೀವ್ರವಾದ ಗಾಯಕ್ಕೆ ತುತ್ತಾಗಿದ್ದರು.
Advertisement