ನವದೆಹಲಿ: ಒಳ ಉಡುಪಿನಲ್ಲಿ 64,38, 960 ರೂ. ಮೌಲ್ಯದ 2 ಕೆಜಿ ಚಿನ್ನದ ಗಟ್ಟಿಗಳನ್ನು ಸಾಗಿಸುತ್ತಿದ್ದ ಹೈದರಾಬಾದ್ ಮೂಲದ ಮಹಿಳೆಯನ್ನು ಪೊಲೀಸರು ದೆಹಲಿ ವಿಮಾನ ನಿಲ್ದಾಣದಲ್ಲಿ ಬಂಧಿಸಿದ್ದಾರೆ.
ಫರ್ಹತ್ ಉನ್ನಿಸಾ ಎಂಬ ಮಹಿಳೆಯನ್ನು ದುಬೈನಿಂದ ದೆಹಲಿಗೆ ವಿಮಾನ ಮೂಲಕ ಪ್ರಯಾಣಿಸುತ್ತಿದ್ದ ಸಂದರ್ಭದಲ್ಲಿ ವೈಮಾನಿಕ ಗುಪ್ತಚರ ಘಟಕದ (ಏರ್ ಇಂಟಲಿಜನ್ಸ್ ಯುನಿಟ್-ಎಐಯು) ಅಧಿಕಾರಿಗಳು ಬಂಧಿಸಿದ್ದಾರೆ. ಈ ವೇಳೆಯಲ್ಲಿ ಮಹಿಳೆ ತನ್ನ ಒಳ ಉಡುಪಿನಲ್ಲಿ ಎರಡು ಕೆ.ಜಿ ಚಿನ್ನದ ಗಟ್ಟಿಗಳನ್ನು ಇಟ್ಟುಕೊಂಡಿರುವುದು ಬೆಳಕಿಗೆ ಬಂದಿದೆ.
ಈ ಕುರಿತು ಎಐಯು ಅಧಿಕಾರಿಗಳು ಪ್ರತಿಕ್ರಿಯಿಸಿ, ದುಬೈನಲ್ಲಿ ಜೆಟ್ ಏರ್ವೇಸ್ ವಿಮಾನವನ್ನೇರಿದ ಈ ಮಹಿಳೆ ಮೇಲೆ ಸಂದೇಹ ಮೂಡಿತು. ಆದ್ದರಿಂದ ತಪಾಸಣೆಗೆ ಒಳಪಡಿಸಿ 2 ಕಿ.ಗ್ರಾಂ ಮತ್ತು 160 ಗ್ರಾಮ್ ಚಿನ್ನದ ಗಟ್ಟಿಗಳನ್ನು ವಶಪಡಿಸಿಕೊಳ್ಳಲಾಯಿತು ಎಂದು ತಿಳಿಸಿದ್ದಾರೆ.
