ಫೇಸ್​ಬುಕ್​ನಲ್ಲಿ ಮುಸ್ಲಿಂ ವಿರೋಧಿ ಕಾಮೆಂಟ್ ಹಾಕಿದ್ದ ಡಿಸಿಪಿ ಬೋರಾ ಅಮಾನತು

ಅಸ್ಸಾಂ: ಸಾಮಾಜಿಕ ಜಾಲತಾಣ ಫೇಸ್​ಬುಕ್​ನಲ್ಲಿ ಮುಸ್ಲಿಂ ವಿರೋಧಿ ಕಾಮೆಂಟ್ ಹಾಕಿದ್ದಕ್ಕಾಗಿ ಕಾಬ್ರಿ ಆಂಗ್​ಲೊಂಗ್ ಜಿಲ್ಲೆಯ ಪೊಲೀಸ್ ಉಪವರಿಷ್ಠಾಧಿಕಾರಿ ಅಂಜಾನ್ ಬೋರಾ ಸಸ್ಪೆಂಡ್ ಆಗಿದ್ದಾರೆ.

ಫೇಸ್​ಬುಕ್ ಅಕೌಂಟನಲ್ಲಿ ಡಿಸಿಪಿ ಅಂಜಾನ್ ಬೋರಾ ಅವರು ನೀಡುತ್ತಿದ್ದ ಮುಸ್ಲಿಂ ವಿರೋಧಿ ಕಾಮೆಂಟ್​ಗಳಿಂದ ಕೆರಳಿದ ಮುಸ್ಲಿಂ ಮುಖಂಡರು ಉನ್ನತ ಅಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ. ಇದರಿಂದಾಗಿ ಅಂಜಾನ್ ಬೋರಾ ಅವರನ್ನು ಸಸ್ಪೆಂಡ್ ಮಾಡಲಾಗಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಡಿಸಿಪಿ ಬೋರಾ ನನ್ನ ಫೇಸ್​ಬುಕ್ ಅಕೌಂಟ್​ನ್ನು ಯಾರೋ ಹ್ಯಾಕ್ ಮಾಡಿದ್ದು, ನನ್ನ ಹೇಳಿಕೆಗೂ ಇಲ್ಲಿ ನಮೂದಿಸಲಾಗಿರುವ ಬರಹಕ್ಕೂ ಭಿನ್ನತೆ ಇದೆ ಎಂದು ತಿಳಿಸಿದ್ದಾರೆ.