ಚೆನ್ನೈ: ವಿಮಾನದಲ್ಲಿ ಸರ್ಕಾರಕ್ಕೆ ಸೇರಿದ್ದ ಹಲವು ವಸ್ತುಗಳನ್ನು ಕದ್ದ ಏರ್ ಇಂಡಿಯಾ ಗಗನ ಸಖಿ ಸಿಕ್ಕಿಬಿದ್ದಿದ್ದಾಳೆ.
ತಾನು ಕಾರ್ಯನಿರ್ವಹಿಸುವ ವಿಮಾನದಲ್ಲೇ ಗ್ರಾಹಕರಿಗೆ ನೀಡಬೇಕಾಗಿದ್ದ ಊಟದ ಪ್ಯಾಕ್, ಕಾಫಿ ಬಾಕ್ಸ್ಗಳು, ಹಾಲಿನ್ ಕಾರ್ಟನ್ಗಳು, ವ್ಹಿಸ್ಕಿ ಬಾಟಲ್ಗಳು, ಹುರಿದ ಗೇರುಬೀಜದ ಪ್ಯಾಕುಗಳು, ಜ್ಯೂಸ್ ಪ್ಯಾಕೇಟ್ಗಳನ್ನು ಕದ್ದು ಬ್ಯಾಗಿನಲ್ಲಿ ಹಾಕಿಕೊಂಡು ಹೋಗುವಾಗ ತಪಾಸಣೆಯಲ್ಲಿ ಸಿಕ್ಕಿಬಿದ್ದಿದ್ದಾಳೆ.
ಚೆನ್ನೈ - ಕೊಲಂಬೋ - ದೆಹಲಿಗೆ ಪ್ರಯಾಣ ಹಾಗೂ ಮರು ಪ್ರಯಾಣ ಮಾಡುವ ಅಂತಾರಾಷ್ಟ್ರೀಯ ಹಾರಾಟದ ವಿಮಾನದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಳು. ವಿಮಾನದಲ್ಲಿ ಬಳಕೆಗಾಗಿ ಸಂಗ್ರಹಿಸಿಟ್ಟಿದ್ದ ನಿತ್ಯೋಪಯೋಗಿ ವಸ್ತುಗಳಲ್ಲಿ ಈಕೆ ತನ್ನ ಕೈಗೆ ಸಿಕ್ಕಿದ್ದನ್ನೆಲ್ಲ ಬಾಚಿಕೊಂಡು ತನ್ನ ಬ್ಯಾಗಿನಲ್ಲಿ ಇರಿಸಿಕೊಂಡಿದ್ದಳು.
ಕಳ್ಳತನದ ಬಗ್ಗೆ ಖಚಿತ ಮಾಹಿತಿ ಪಡೆದ ಕಸ್ಟಮ್ಸ್ ಮತ್ತು ವಿಜಿಲೆನ್ಸ್ ಅಧಿಕಾರಿಗಳು ಆಕೆಯ ಬ್ಯಾಗನ್ನು ತಪಾಸಣೆ ಮಾಡಿದಾಗ ಅದರೊಳಗೆ ವಿಮಾನದಲ್ಲಿ ಪ್ರಯಾಣಿಕರಿಗೆ ಒದಗಿಸಲಾಗುವ ಅನೇಕ ಗ್ರಾಹಕ ಬಳಕೆಯ ವಸ್ತುಗಳು ಪತ್ತೆಯಾದವು. ತಪಾಸಣೆ ಮಾಡಿದ ಅಧಿಕಾರಿಗಳು ಒಡನೆಯೇ ಅವುಗಳನ್ನು ತಮ್ಮ ವಶಕ್ಕೆ ತೆಗೆದುಕೊಂಡರು.
Advertisement