18 ನೇ ಬಾರಿಯೂ ಜಾಧವ್ ಗೆ ರಾಯಭಾರಿ ಕಚೇರಿ ಸಂಪರ್ಕ ಕಲ್ಪಿಸಲು ಪಾಕಿಸ್ತಾನ ನಿರಾಕರಣೆ

ನವದೆಹಲಿ: ಗೂಢಾಚಾರನೆಂದು ಆರೋಪಿಸಿ ಭಾರತೀಯ ನೌಕಾಪಡೆಯ ಮಾಜಿ ಅಧಿಕಾರಿ ಕುಲಭೂಷಣ್ ಜಾಧವ್ ಅವರನ್ನು ಬಂಧಿಸಿರುವ ಪಾಕಿಸ್ತಾನ ಬಂಧಿತ ಮಾಜಿ ಅಧಿಕಾರಿಗೆ ರಾಯಭಾರಿ ಕಚೇರಿ ಸಂಪರ್ಕ ಕಲ್ಪಿಸಲು 18 ನೇ ಬಾರಿಯೂ ನಿರಾಕರಿಸಿದೆ. 

ಕುಲಭೂಷಣ್ ಜಾಧವ್ ಗೆ ರಾಯಭಾರಿ ಕಚೇರಿ ಸಂಪರ್ಕ ಕಲ್ಪಿಸಲು ಭಾರತ ಸರ್ಕಾರ ಜು.1 ರಂದು ಪಾಕಿಸ್ತಾನಕ್ಕೆ ಮನವಿ ಸಲ್ಲಿಸಿತ್ತು. ಆದರೆ ಪಾಕಿಸ್ತಾನ ಭಾರತದ ವಿರುದ್ಧ ಭಯೋತ್ಪಾದನೆಯನ್ನು ಉತ್ತೇಜಿಸುತ್ತಿರುವ ಆರೋಪ ಮಾಡಿದ್ದು, ರಾಯಭಾರಿ ಕಚೇರಿಗೆ ಸಂಪರ್ಕ ಕಲ್ಪಿಸುವ ಪ್ರಶ್ನೆಯೇ ಇಲ್ಲ ಎಂದು ಹೇಳಿದೆ. 

ಭಾರತೀಯ ಇಂಜಿನಿಯರ್ ಹಾಗೂ ಉದ್ಯಮಿಯಾಗಿರುವ ಹಮೀದ್ ನೆಹಾಲ್ ಅನ್ಸಾರಿಯನ್ನೂ ಸಹ ಪಾಕಿಸ್ತಾನ ಗಡಿ ದಾಟಿದ ಆರೋಪದಡಿ ಬಂಧಿಸಿದ್ದು, ಅನ್ಸಾರಿ, ಜಾಧವ್ ಸೇರಿದಂತೆ ಪಾಕಿಸ್ತಾನದಲ್ಲಿ ಬಂಧನಕ್ಕೊಳಗಾಗಿರುವ ಭಾರತೀಯರಿಗೆ ರಾಯಭಾರಿ ಕಚೇರಿ ಪ್ರವೇಶ ನೀಡುವಂತೆ ಭಾರತ ಸರ್ಕಾರ ಪಾಕಿಸ್ತಾನ ಸರ್ಕಾರಕ್ಕೆ ಮನವಿ ಮಾಡಿತ್ತು. ಆದರೆ ಪಾಕಿಸ್ತಾನ ಸರ್ಕಾರ ರಾಯಭಾರಿ ಕಚೇರಿ ಸಂಪರ್ಕ ಕಲ್ಪಿಸಲು ನಿರಾಕರಿಸಿದೆ. ಈ ಮೂಲಕ 18 ನೇ ಬಾರಿಯೂ ಭಾರತ ಸರ್ಕಾರದ ಮನವಿಗೆ ಪಾಕಿಸ್ತಾನ ನಿರಾಕರಿಸಿದೆ.