ಕಾರ್ಟೂನ್ ವೀಕ್ಷಿಸಿದ ನಂತರ ಬೆಂಕಿ ಹಚ್ಚಿಕೊಂಡ ಬಾಲಕ

ಹೈದರಾಬಾದ್: ಕಾರ್ಟೂನ್ ವೀಕ್ಷಿಸಿದ 12 ವರ್ಷದ ಬಾಲಕ ಬೆಂಕಿ ಹಚ್ಚಿಕೊಂಡು ಮೃತಪಟ್ಟಿರುವ ಘಟನೆ ಹೈದರಾಬಾದ್ ನಲ್ಲಿ ನಡೆದಿದೆ. 

ಕಾರ್ಟೂನ್ ವೀಕ್ಷಿಸುತ್ತಿದ್ದ ಜಯದೀಪ್ ಮದುಗುಲ ಎಂಬ 12 ವರ್ಷದ ಬಾಲಕ ಬೆಂಕಿ ಹಚ್ಚಿಕೊಂಡಿರುವುದನ್ನು ಅಜ್ಜ-ಅಜ್ಜಿ ಗಮನಿಸಿದ್ದಾರೆ. ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಆತ ಬದುಕುಳಿಯಲಿಲ್ಲ. 

ಘಟನೆ ಬಗ್ಗೆ ಮಾಹಿತಿ ನೀಡಿರುವ ಸಬ್ ಇನ್ಸ್ ಪೆಕ್ಟರ್ ವಿಷ್ಣುವರ್ಧನ್ ರೆಡ್ಡಿ, " ಕಾರ್ಟೂನ್ ನಲ್ಲಿ ಬರುವ ಪಾತ್ರದಂತೆಯೇ ತಾನೂ ಉರಿಯುತ್ತಿದ್ದೇನೆ ಎಂದು ಮೊಮ್ಮಗ ಕಿರುಚಿದ್ದನ್ನು ಅಜ್ಜ-ಅಜ್ಜಿ ಕೇಳಿಸಿಕೊಂಡಿದ್ದಾರೆ. ಕಾರ್ಟೂನ್ ನಲ್ಲಿ ಬರುವ ಪಾತ್ರವನ್ನು ಅನುಕರಣೆ ಮಾಡಲು ಹೋಗಿ ಬೆಂಕಿ ಹಚ್ಚಿಕೊಂಡಿರುವ ಸಾಧ್ಯತೆ ಇದೆ ಎಂದು ಕುಟುಂಬ ಸದಸ್ಯರು ಅನುಮಾನ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಬಾಲಪುರ್ ಪೊಲೀಸರು ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ.