ಜೈಪುರ: ಕುಖ್ಯಾತ ಗ್ಯಾಂಗ್ ಸ್ಟರ್ ಆನಂದ್ ಪಾಲ್ ಸಿಂಗ್ ನನ್ನು ಜೈಪುರ ಪೊಲೀಸರು ಎನ್‌ಕೌಂಟರ್‌ ನಲ್ಲಿ ಹತ್ಯೆ ಮಾಡಿದ್ದಾರೆ.
ಆನಂದ್ ಪಾಲ್ ಸಿಂಗ್ ಚುರು ಸೇರಿದಂತೆ ಹಲವು ಕಡೆ ನಡೆದ 24ಕ್ಕೂ ಅಧಿಕ ಅಪರಾಧ ಪ್ರಕರಣಗಳಲ್ಲಿ ಪ್ರಮುಖ ಆರೋಪಿಯಾಗಿದ್ದು ಇಂದು ರಾಜಸ್ತಾನದ ಚುರು ಜಿಲ್ಲೆಯಲ್ಲಿ ಎನ್‌ಕೌಂಟರ್‌ ಮಾಡಿದ್ದಾರೆ.
ಕೊಲೆ ಪ್ರಕರಣ ಸಂಬಂಧ 2015ರಲ್ಲೇ ಈತನನ್ನು ಪೊಲೀಸರು ಬಂಧಿಸಿದ್ದರು. ಅದೇ ವರ್ಷ ಸೆಪ್ಟೆಂಬರ್ ನಲ್ಲಿ ಅಜ್ಮೇರ್ ಜೈಲಿನಿಂದ ತಪ್ಪಿಸಿಕೊಂಡಿದ್ದ.
ಪಾಲ್ ಇತ್ತೀಚೆಗೆ ತನ್ನ ಸಹೋದರ ರುಪೇಂದ್ರ ಪಾಲ್ ಹಾಗೂ ಆತನ ಸಹಚರ ದೇವೇಂದ್ರ ಎಂಬಾತನೊಂದಿಗೆ ಚಾಟಿಂಗ್ ಮಾಡಿದ್ದು ಆತನನ್ನು ಪತ್ತೆ ಹಚ್ಚಲು ಪೊಲೀಸರಿಗೆ ನೆರವಾಯಿತು.
ಆನಂದ್ ಪಾಲ್ ತಲೆಗೆ 5 ಲಕ್ಷ, ರುಪೇಂದ್ರ ಪಾಲ್ ಹಾಗೂ ಆತನ ಸಹಚರ ದೇವೇಂದ್ರ ತಲೆಗೆ 1 ಲಕ್ಷ ರು. ಬಹುಮಾನ ಘೋಷಿಸಲಾಗಿತ್ತು.
