39 ಪಾಕಿಸ್ತಾನ ಕೈದಿಗಳನ್ನು ಬಿಡುಗಡೆಗೊಳಿಸಿದ ಭಾರತ

ನವದೆಹಲಿ: ಜೈಲಿನಲ್ಲಿ ಸೆರವಾಸ ಅನುಭವಿಸುತ್ತಿದ್ದ 39 ಪಾಕಿಸ್ತಾನ ಕೈದಿಗಳನ್ನು ಭಾರತ ಗುರುವಾರ ಬಿಡುಗಡೆಗೊಳಿಸಿದೆ. 

ಬಿಡುಗಡೆಗೊಂಡಿಗಿರುವ ಪಾಕಿಸ್ತಾನ ಕೈದಿಗಳಲ್ಲಿ 21 ಮಂದಿ ನಾಗರೀಕ ಕೈದಿಗಳಾಗಿದ್ದರೆ, 18 ಮಂದಿ ಮೀನುಗಾರರಾಗಿದ್ದಾರೆ. ಪಾಕಿಸ್ತಾನ ಕೈದಿಗಳನ್ನು ಬಿಡುಗಡೆ ಮಾಡುವ ಮೂಲಕ ಪಾಕಿಸ್ತಾನದ ಶಾಂತಿ ಪ್ರಸ್ತಾವನೆಗೆ ಭಾರತ ಪೂರಕವಾಗಿ ಸ್ಪಂದನೆ ನೀಡಿದೆ. 

ಬಿಡುಗಡೆ ಕುರಿತಂತೆ ಘೋಷಣೆ ಮಾಡಿರುವ ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಕೈದಿಗಳು ಶೀಘ್ರಗತಿಯಲ್ಲಿ ತಮ್ಮ ತಾಯ್ನಾಡಿಗೆ ತೆರಳುವುದು ಸೇರಿದಂದೆ ಅವರ ಎಲ್ಲಾ ಮಾನವೀಯ ವಿಷಯಗಳತ್ತ ಗಮನ ನೀಡಲಿದ್ದೇವೆಂದು ಎಂದು ಹೇಳಿದೆ. 

ಸೌಹಾರ್ದತೆಯ ಸಂಕೇತವಾಗಿ ಕಳೆದ ವರ್ಷ ಡಿಸೆಂಬರ್ ತಿಂಗಳಿನಲ್ಲಿ ಪಾಕಿಸ್ತಾನ ತನ್ನ ಜೈಲಿನಲ್ಲಿದ್ದ 217 ಭಾರತೀಯ ಮೀನುಗಾರರನ್ನು ಬಿಡುಗಡೆಗೊಳಿಸಿದ್ದರು. ಇದಲ್ಲದೆ, ಪಾಕಿಸ್ತಾನ ಜೈಲಿನಲ್ಲಿ ಹಲವು ವರ್ಷಗಳಿಂದಲೂ ಸೆರೆವಾಸ ಅನುಭವಿಸುತ್ತಿದ್ದ ಭಾರತೀಯ ಯೋಧ ಬಾಬೂಲಾಲ್ ಚೌಹಾಣ್ ಅವರನ್ನು ಜನವರಿ 21 ರಂದು ವಾಘಾ ಗಡಿ ಮೂಲಕ ಪಾಕಿಸ್ತಾನದ ಅಧಿಕಾರಿಗಳು ಭಾರತಕ್ಕೆ ಕಳುಹಿಸಿಕೊಟ್ಟಿದ್ದರು. ಈ ಹಿನ್ನಲೆಯಲ್ಲಿ ಸೌಹಾರ್ದತೆಯ ಸಂಕೇತವಾಗಿ ಭಾರತ ಇದೀಗ 39 ಕೈದಿಗಳನ್ನು ಬಿಡುಗಡೆ ಮಾಡಿದೆ.