ಪ್ರಧಾನಿ ಮೋದಿ ನೋಟು ನಿಷೇಧಕ್ಕೆ ಶೇ.81ರಷ್ಟು ಬೆಂಬಲ

ನವದೆಹಲಿ: ದೇಶದಲ್ಲಿ 500 ಮತ್ತು 1000 ಮುಖ ಬೆಲೆಯ ನೋಟುಗಳು ನಿಷೇಧಗೊಂಡು ನವೆಂಬರ್ 8ಕ್ಕೆ ಒಂದು ವರ್ಷ ಕಳೆದಿದ್ದು ಈಗಲು ಜನರು ಪ್ರಧಾನಿ ನರೇಂದ್ರ ಮೋದಿ ಅವರ ನಿರ್ಧಾರಕ್ಕೆ ಜನಬಲ ಸಿಕ್ಕಿದೆ. 

ಪ್ರಧಾನಿ ಮೋದಿ ತೆಗೆದುಕೊಂಡಿರುವ ಈ ದಿಟ್ಟ ನಿರ್ಧಾರದ ಬಗ್ಗೆ ಪರ ವಿರೋಧ ಚರ್ಚೆಗಲು ನಡೆಯುತ್ತಲೇ ಇವೆ. ಇದರ ಬೆನ್ನಲ್ಲೆ ನಡೆದ ಕೆಲ ಸಮೀಕ್ಷೆಗಳಲ್ಲಿ ಬಹುತೇಕ ಜನರು ಮೋದಿ ನಿರ್ಧಾರವನ್ನು ಗೌರವಿಸಿದ್ದಾರೆ. 

ನೋಟು ನಿಷೇಧ ಕುರಿತು ಪ್ರಧಾನಿ ಮೋದಿ ಆ್ಯಪ್ ದೇಶ್ ಕೀ ಆವಾಜ್ ಎಂಬ ಹೆಸರಲ್ಲಿ ನಡೆದ ಸಮೀಕ್ಷೆಯಲ್ಲೂ ಶೇಕಡ 81ರಷ್ಟು ಮಂದಿ ಮೋದಿಯವರ ಕ್ರಮವನ್ನು ಬೆಂಬಲ ಸೂಚಿಸಿದ್ದಾರೆ. ಸಮೀಕ್ಷೆ ಆರಂಭವಾದ 24 ಗಂಟೆಗಳಲ್ಲಿ ಸುಮಾರು 50 ಸಾವಿರ ಮಂದಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದು ಈ ಆ್ಯಪ್ ಹಾಗೂ ಮೋದಿ ಕ್ರಮಕ್ಕೆ ಸಿಕ್ಕಿರುವ ಬೆಂಬಲವನ್ನು ಸೂಚಿಸುತ್ತದೆ. 

ಈ ಹಿಂದಿನ ಯುಪಿಎ ಸರ್ಕಾರ ಭ್ರಷ್ಟಾಚಾರ ಹಾಗೂ ಕಪ್ಪುಹಣ ನಿಯಂತ್ರಿಸಲು ಯಾವುದೇ ರೀತಿ ಕ್ರಮಗಳನ್ನು ಕೈಗೊಂಡಿರಲಿಲ್ಲ ಎಂದು ಶೇಕಡ 81ರಷ್ಟು ಮಂದಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಶೇಕಡ 93ರಷ್ಟು ಮದಿ ದೇಶದಲ್ಲಿ ತಾಂಡವ ಆಡುತ್ತಿರುವ ಈ ಸಮಸ್ಯೆಗಳನ್ನು ತೊಲಗಿಸಲು ಮೋದಿ ತೆಗೆದುಕೊಂಡ ಕ್ರಮವನ್ನು ಶ್ಲಾಘಿಸಿದ್ದಾರೆ.