ಅಪಲ್ ಕಂಪನಿಯಿಂದ ಕೇರಳಕ್ಕೆ 7 ಕೋಟಿ ರೂ. ನೆರವು :ಆಪ್ ಸ್ಟೋರ್, ಐಟ್ಯೂನ್ ನಲ್ಲಿ "ಡೊನೇಟ್" ಬಟನ್ ಸೇರಿಕೆ

ಕೊಚ್ಚಿ :ವಿನಾಶಕಾರಿ ಪ್ರವಾಹದಿಂದ ಜರ್ಝರಿತಗೊಂಡಿರುವ ಕೇರಳ ರಾಜ್ಯದಲ್ಲಿ ಪರಿಹಾರ ಕಾರ್ಯಕ್ಕಾಗಿ  ಅಮೆರಿಕಾದ ದೈತ್ಯ ಸಾಪ್ಟ್ ವೇರ್ ಕಂಪನಿ   ಅಪಲ್   ಕಂಪನಿ 7 ಕೋಟಿ ರೂಪಾಯಿ ನೆರವು ಘೋಷಿಸಿದೆ.

ಪ್ರವಾಹದ ಸಂತ್ರಸ್ತರಿಗೆ ನೆರವು ನೀಡಲು  ಹಾಗೂ ಮನೆ, ಶಾಲೆಗಳನ್ನು ಪುನರ್ ನಿರ್ಮಾಣ ಮಾಡಲು ಭಾರತದ ಮರ್ಸಿ ಕಾರ್ಪೋರೇಷನ್ ಹಾಗೂ  ಮುಖ್ಯಮಂತ್ರಿಗಳ ವಿಪತ್ತು ಪರಿಹಾರ ನಿಧಿಗೆ   7 ಕೋಟಿ ರೂ. ಆರ್ಥಿಕ ನೆರವು ಘೋಷಿಸಿದೆ ಎಂದು ಕ್ಯುಪರ್ಟಿನೊ ಮೂಲದ ಐಫೋನ್ ಮೇಕರ್  ಹೇಳಿಕೆಯಲ್ಲಿ ತಿಳಿಸಿದೆ.

ಆಪ್ ಸ್ಟೋರ್,  ಐಟ್ಯೂನ್ ನಲ್ಲಿ  "ಡೊನೇಟ್"  ಬಟನ್ ಸೇರಿಸಲಾಗಿದ್ದು, ಹೋಮ್ ಪೇಜ್   ಬ್ಯಾನರ್ ನಲ್ಲಿ   ಪ್ರವಾಹ ಸಂತ್ರಸ್ತರಿಗೆ ನೆರವನ್ನು ಬೆಂಬಲಿಸುತ್ತಿದೆ.ಆಪ್ ಸ್ಟೋರ್ , ಐಟ್ಯೂನ್ ನಲ್ಲಿ  "ಡೊನೇಟ್"  ಬಟನ್ ಸೇರಿಸಲಾಗಿದ್ದು, ಮರ್ಸಿ ಕಾರ್ಪೋರೇಷನ್ ಗೆ ಗ್ರಾಹಕರು ನೆರವು ನೀಡುವಂತೆ ಹೇಳಲಾಗುತ್ತಿದೆ ಎಂದು ಅಪಲ್ ಕಂಪನಿ ತಿಳಿಸಿದೆ.