ನವೆದಹಲಿ: 2017ರ ಜುಲೈನಿಂದ 2018 ಜೂನ್ ವರೆಗೆ ಪ್ರಧಾನಿ ನರೇಂದ್ರ ಮೋದಿ ವಿದೇಶ ಪ್ರವಾಸ ಕೈಗೊಂಡಿದ್ದು, ಈ ಒಂದು ವರ್ಷದ ಅವಧಿಯಲ್ಲಿ ಅವರಿಗೆ ಒಟ್ಟು 12.57 ಲಕ್ಷ ಮೌಲ್ಯದ 168 ಉಡುಗೊರೆಗಳು ಸಿಕ್ಕಿವೆ ಎಂದು ವಿದೇಶಾಂಗ ಸಚಿವಾಲಯದ ಖಜಾನೆ ವಿಭಾಗ ಮಾಹಿತಿ ನೀಡಿದೆ.
ಇವುಗಳಲ್ಲಿ 1.10 ಲಕ್ಷ ರೂ. ಬೆಲೆಯ 'ಮೋಂಟ್‌ಬ್ಲಾಂಕ್‌' ಕೈ ಗಡಿಯಾರ, ಬೆಳ್ಳಿಯ ಪದಕ, 3.4 ಲಕ್ಷ ರೂ. ಬೆಲೆಯ ಎರಡು ಮೋಂಟ್‌ಬ್ಲಾಂಕ್‌ ಪೆನ್ನುಗಳು ಸೇರಿವೆ.
ಪ್ರಧಾನಿ ಅವರಿಗೆ ಪುತ್ಥಳಿಗಳು, ಕಲಾಕೃತಿಗಳು, ಪುಸ್ತಕಗಳು, ಭಾವಚಿತ್ರಗಳು, ಬುಲೆಟ್‌ ಟ್ರೇನ್‌ ಮತ್ತು ಮಸೀದಿಗಳ ಪ್ರತಿಕೃತಿಗಳನ್ನೂ ಉಡುಗೊರೆಯಾಗಿ ನೀಡಲಾಗಿದೆ ಎಂದು ಸಚಿವಾಲಯ ತಿಳಿಸಿದೆ.
ಈ ಅವಧಿಯಲ್ಲಿ ಮೋದಿ ಅವರು ಇಸ್ರೇಲ್‌, ಜರ್ಮನಿ, ಚೀನಾ, ಯುಎಇ, ರಷ್ಯಾ, ಬ್ರಿಟನ್‌, ಇಂಡೋನೇಷ್ಯಾ, ಮಲೇಷ್ಯಾ ಸೇರಿದಂತೆ 20 ದೇಶಗಳಿಗೆ ಭೇಟಿ ನೀಡಿದ್ದರು.
