ಚೆನ್ನೈ: ದೇಶಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಕೈಯಲ್ಲಾದ ಸರ್ವ ಪ್ರಯತ್ನಗಳನ್ನು ಮಾಡುತ್ತಿದ್ದಾರೆ ಎಂದು ದಕ್ಷಿಣ ಭಾರತ ಸೂಪರ್ ಸ್ಟಾರ್ ರಜನಿಕಾಂತ್ ಹೇಳಿದ್ದು ಇದೀಗ ರಜನಿ ಬಿಜೆಪಿಯತ್ತ ಮುಖ ಮಾಡಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ.
ದೇಶಕ್ಕಾಗಿ ಏನಾದರೂ ಮಾಡಬೇಕು ಎಂಬ ತುಡಿದ ಪ್ರಧಾನಿ ಮೋದಿಯಲ್ಲಿದೆ. ದೇಶಕ್ಕಾಗಿ ಒಳ್ಳೆಯದನ್ನು ಮಾಡಲು ಅವರು ತಮ್ಮ ಕೈಯಲ್ಲಾದ ಪ್ರಯತ್ನಗಳನ್ನು ಮಾಡುತ್ತಿದ್ದಾರೆ ಎಂದರು.
ಇನ್ನು ತಮಿಳಿನ ಖ್ಯಾತ ನಟ ಮತ್ತು ಮಕ್ಕಳ್ ನಿಧಿ ಮೈಮ ಮುಖಂಡ ಕಮಲ್ ಹಾಸನ್ ಅವರು ನನ್ನ ಪ್ರತಿಸ್ಪರ್ಧಿಯಲ್ಲ. ನನ್ನ ಆಪ್ತಮಿತ್ರ ಎಂದು ರಜನಿಕಾಂತ್ ಹೇಳಿದ್ದಾರೆ.
ಈ ಹಿಂದೆ ರಜನಿಕಾಂತ್ ಅವರು ಮೋದಿ ವಿರುದ್ಧ ಹತ್ತು ಮಂದಿ ಹೊಂದಾಗುತ್ತಿದ್ದಾರೆ ಎಂದರೆ ಯಾರು ಬಲಿಷ್ಠರು ಎಂದು ತಿಳಿಯುತ್ತದೆ ಎಂದು ಪ್ರಧಾನಿ ಮೋದಿಯನ್ನು ಹೊಗಳಿದ್ದರು.
