ಕುಡಿದು ವಾಹನ ಚಾಲನೆ: ಮತ್ತಿನಲ್ಲಿ ಟ್ರಾಫಿಕ್ ಪೊಲೀಸ್'ನನ್ನೇ 100 ಮೀಟರ್ ಎಳೆದೊಯ್ದ ವ್ಯಕ್ತಿ!
ಕುಡಿದು ವಾಹನ ಚಾಲನೆ ಮಾಡುತ್ತಿದ್ದ ವ್ಯಕ್ತಿಯೊಬ್ಬ ಸಂಚಾರಿ ಪೊಲೀಸ್ ಒಬ್ಬರಿಗೆ ಡಿಕ್ಕಿ ಹೊಡೆದು ಬಳಿಕ ಅವರ ದೇಹವನ್ನು 100 ಮೀಟರ್ ವರೆಗೂ ಎಳೆದೊಯ್ದಿರುವ ಘಟನೆ ಗುರುಗ್ರಾಮದ ಸೆಕ್ಟರ್ 29ರನಲ್ಲಿ ನಡೆದಿದೆ...
ಕುಡಿದು ವಾಹನ ಚಾಲನೆ: ಮತ್ತಿನಲ್ಲಿ ಟ್ರಾಫಿಕ್ ಪೊಲೀಸ್'ನನ್ನು 100 ಮೀಟರ್ ಎಳೆದೊಯ್ದ ವ್ಯಕ್ತಿ!
ಗುರುಗ್ರಾಮ: ಕುಡಿದು ವಾಹನ ಚಾಲನೆ ಮಾಡುತ್ತಿದ್ದ ವ್ಯಕ್ತಿಯೊಬ್ಬ ಸಂಚಾರಿ ಪೊಲೀಸ್ ಒಬ್ಬರಿಗೆ ಡಿಕ್ಕಿ ಹೊಡೆದು ಬಳಿಕ ಅವರ ದೇಹವನ್ನು 100 ಮೀಟರ್ ವರೆಗೂ ಎಳೆದೊಯ್ದಿರುವ ಘಟನೆ ಗುರುಗ್ರಾಮದ ಸೆಕ್ಟರ್ 29ರನಲ್ಲಿ ನಡೆದಿದೆ.
ಮಿಲೇನಿಯಂ ಸಿಟಿಯಲ್ಲಿ ಬುಧವಾರ ಘಟನೆ ನಡೆದಿದ್ದು, ಘಟನೆಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
#WATCH: Man stopped by traffic police for driving on the wrong side near Signature Tower Chowk in Gurugram, dragged traffic personnel on the bonnet of his car when the personnel tried to stop him. He was later arrested & the car was also seized. #Haryana (19.12.18) pic.twitter.com/BbyN79ysIW
ಕುಡಿದ ಮತ್ತಿನಲ್ಲಿದ್ದ ವ್ಯಕ್ತಿ ವಾಹನವನ್ನು ಅಡ್ಡದಾರಿಯಲ್ಲಿ ಚಾಲನೆ ಮಾಡುತ್ತಿದ್ದ. ಈ ವೇಳೆ ಆತನನ್ನು ಸಂಚಾರಿ ಪೊಲೀಸರು ತಡೆದಿದ್ದಾರೆ. ಈ ವೇಳೆ ಕಾರನ್ನು ನಿಲ್ಲಿಸದ ಪಾನಮತ್ತ ವ್ಯಕ್ತಿ ಕಾರನ್ನೇ ಪೊಲೀಸರ ಮೇಲೆ ಹತ್ತಿಸಿದ್ದಾನೆ. ಬಳಿಕ ಪೊಲೀಸ್'ನನ್ನು 100 ಮೀಟರ್ ಗಳವರೆಗೂ ಎಳೆದೊಯ್ದಿದ್ದಾನೆ.
ಘಟನೆ ಬಳಿಕ ಆರೋಪಿಯನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದು, ವಿಚಾರಣೆ ನಡೆಸುತ್ತಿದ್ದಾರೆ. ಆರೋಪಿ ದೆಹಲಿ ಮೂಲದ ನಿವಾಸಿಯೆಂದು ತಿಳಿದುಬಂದಿದೆ.