ಹರ್ಯಾಣ: ಗೋ-ಕಾರ್ಟ್ ವಾಹನದ ಚಕ್ರಕ್ಕೆ ಕೂದಲು ಸಿಲುಕಿ ಮಹಿಳೆ ಸಾವು!

ಹರ್ಯಾಣ: ಗೋ-ಕಾರ್ಡ್ ವಾಹನದ ಚಕ್ರಕ್ಕೆ ಕೂದಲು ಸಿಲುಕಿ ಮಹಿಳೆ ಸಾವನ್ನಪ್ಪಿರುವ ಘಟನೆ ಹರ್ಯಾಣದ ಅಮ್ಯೂಸ್ ಮೆಂಟ್ ಪಾರ್ಕ್ ಬಳಿ ನಡೆದಿದೆ. 

ಚಕ್ರಕ್ಕೆ ಕೂದಲು ಸಿಲುಕಿದ ಪರಿಣಾಮ ಮಹಿಳೆಯ ತಲೆಬುರುಡೆ ಸೀಳಿ ಮೃತಪಟ್ಟಿದ್ದಾರೆ. ಪುನೀತ್ ಕೌರ್ (28) ಆಕೆಯ ಪತಿ ಅಮರ್ ದೀಪ್ ಸಿಂಗ್, 2 ವರ್ಷದ ಮಗ ಹಾಗೂ ಕುಟುಂಬ ಸದಸ್ಯರು ಪಿಂಜೋರ್ ನಲ್ಲಿರುವ ಅಮ್ಯೂಸ್ ಮೆಂಟ್ ಪಾರ್ಕ್ ಗೆ ತೆರಳಿದ್ದರು.

ಆರು ಜನರಿಗೆ 4 ಗೋ-ಕಾರ್ಟ್ ವಾಹನವನ್ನು ಕುಟುಂಬ ಸದಸ್ಯರು ಕಾಯ್ದಿರಿಸಿದ್ದರು. ಪುನೀತ್ ಕೌರ್ ಹಾಗೂ ಆಕೆಯ ಪತಿ ಒಂದು ಕಾರ್ಟ್ ನಲ್ಲಿದ್ದರೆ 2 ವರ್ಷದ ಬಾಲಕ ಅಜ್ಜಿಯೊಂದಿಗೆ ಮತ್ತೊಂದು ಕಾರ್ಟ್ ನಲ್ಲಿದ್ದ. ಈ ವೇಳೆ ಪುನೀತ್ ಕೌರ್ ನ ಕೂದಲು ಗೋ-ಕಾರ್ಟ್ ಚಕ್ರಕ್ಕೆ ಸಿಲುಕಿದೆ, ಹೆಲ್ಮೆಟ್ ಹಾಕಿದ್ದರೂ ಸಹ ತಲೆಗೆ ಬಲವಾದ ಪೆಟ್ಟು ಬಿದ್ದಿದ್ದು ಗೋ-ಕಾರ್ಟ್ ವೇಗವಾಗಿ ಚಲಿಸುತ್ತಿದ್ದಿದ್ದರಿಂದ ತಲೆ ಸೀಳಿದ ಪರಿಣಾಮ ಮಹಿಳೆ ಸಾವನ್ನಪ್ಪಿದ್ದಾರೆ. 

ಕೌರ್ ನ ಕುಟುಂಬಸ್ಥರು ಪಾರ್ಕ್ ಮ್ಯಾನೇಜ್ಮೆಂಟ್ ವಿರುದ್ಧ ಎಫ್ಐಆರ್ ದಾಖಲಿಸಲುವಂತೆ ಆಗ್ರಹಿಸಿದ್ದಾರೆ.