ನವದೆಹಲಿ: ಜ.5 ರ ರಾಜ್ಯಸಭಾ ಕಲಾಪ ವಿಶೇಷ ಘಟನೆಗೆ ಕಾರಣವಾಗಿದ್ದು, ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಹಾಗೂ ಹಾಲಿ ಪ್ರಧಾನಿ ನರೇಂದ್ರ ಮೋದಿ ಪರಸ್ಪರ ಹಸ್ತಲಾಘವ ನೀಡಿದ್ದಾರೆ.
ರಾಜ್ಯಸಭಾ ಕಲಾಪ ಮುಂದೂಡುತ್ತಿದ್ದಂತೆಯೇ ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರಿದ್ದಲ್ಲಿಗೇ ತೆರಳಿದ ಪ್ರಧಾನಿ ಮೋದಿ, ಹಸ್ತಲಾಘವ ನೀಡಿದ್ದಾರೆ. ಗುಜರಾತ್ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ಇಬ್ಬರೂ ನಾಯಕರು ಪರಸ್ಪರ ವಾಗ್ದಾಳಿ ನಡೆಸಿದ್ದರು.
ವೆಂಕಯ್ಯ ನಾಯ್ಡು ಕಲಾಪವನ್ನು ಮುಂದೂಡಿ ವಂದೇ ಮಾತರಂ ಹೇಳಿದ ನಂತರ ವಿಪಕ್ಷ ನಾಯಕರು ಕುಳಿತಿದ್ದ ಸ್ಥಳಕ್ಕೆ ತೆರಳಿದ ಪ್ರಧಾನಿ ಮೋದಿ ಮಾಜಿ ಪ್ರಧಾನಿ ಸಿಂಗ್, ರಾಜ್ಯಸಭೆ ಉಪಾಧ್ಯಕ್ಷ ಕಿರಿಯನ್, ಕರಣ್ ಸಿಂಗ್ ಅವರಿಗೂ ಹಸ್ತಲಾಘವ ನೀಡಿದರು.
