ನೋಟು ನಿಷೇಧ: ನಗದು ಸಾಗಣೆಗೆ ಭಾರತೀಯ ವಾಯುಪಡೆಯಿಂದ 29.41 ಕೋಟಿ ರೂಪಾಯಿ ಬಿಲ್!

1000, 500 ರೂ ಹಳೆಯ ನೋಟು ನಿಷೇಧದ ನಂತರ ದೇಶಾದ್ಯಂತ ನಗದು ಬಿಕ್ಕಟ್ಟು ಉಂಟಾಗಿ, ಭಾರತೀಯ ವಾಯುಪಡೆ ಹೆಲಿಕಾಫ್ಟರ್ ಗಳನ್ನು ಬಳಕೆ ಮಾಡಿಕೊಂಡಿದ್ದು ಗೊತ್ತೇ ಇದೆ. ಈಗ ಭಾರತೀಯ ವಾಯುಪಡೆ ಬರೊಬ್ಬರಿ 29.41 ಕೋಟಿ ರೂಪಾಯಿ ಬಿಲ್ ನೀಡಿದೆ. 

ಹೊಸ 2000, 500 ರೂಪಾಯಿ ಮುಖಬೆಲೆಯ ನೋಟುಗಳನ್ನು ದೇಶಾದ್ಯಂತ ವೇಗವಾಗಿ ತಲುಪಿಸಲು ವಾಯುಪಡೆಯ ಸಿ-17,  ಸಿ-130 ಜೆ ಸೂಪರ್ ಹರ್ಕ್ಯುಲಸ್ ಹೆಲಿಕಾಫ್ಟರ್ ಗಳನ್ನು ಬಳಕೆ ಮಾಡಲಾಗಿತ್ತು. ಈ ಕುರಿತು ಆರ್ ಟಿಐ ಮೂಲಕ ಮಾಹಿತಿ ಕೇಳಲಾಗಿತ್ತು,  "91 ಟ್ರಿಪ್ ಮೂಲಕ ಹೊಸ 2000, 500 ರೂಪಾಯಿ ಮುಖಬೆಲೆಯ ನೋಟುಗಳನ್ನು ತಲುಪಿಸಲಾಗಿತ್ತು. ಇದಕ್ಕಾಗಿ 29.41 ಕೋಟಿ ರೂಪಾಯಿ ಬಿಲ್ ನ್ನು ವಾಯುಪಡೆ ನೀಡಿದೆ ಎಂದು ಆರ್ ಟಿಐ ಮಾಹಿತಿ ಮೂಲಕ ಬಹಿರಂಗಗೊಂಡಿದೆ.

ವಾಯುಪಡೆ ನೋಟು ಸಾಗಣೆ ಮಾಡಿದ್ದಕ್ಕಾಗಿ ಸರ್ಕಾರಿ ಸ್ವಾಮ್ಯದ ಸೆಕ್ಯುರಿಟಿ ಪ್ರಿಂಟಿಂಗ್ ಅಂಡ್ ಮಿಂಟಿಂಗ್ ಕಾರ್ಪೊರೇಶನ್ ಆಫ್ ಇಂಡಿಯಾ ಮತ್ತು ಭಾರತೀಯ ರಿಸರ್ವ್ ಬ್ಯಾಂಕ್ ನೋಟ್ ಮುದ್ರಣ ಪ್ರೈವೇಟ್ ಲಿಮಿಟೆಡ್ ಗೆ ಒಟ್ಟು 29.41 ಕೋಟಿ ರೂಪಾಯಿ ಬಿಲ್ ನೀಡಿದೆ ಎಂದು ಆರ್ ಟಿಐ ಗೆ ಪ್ರತಿಕ್ರಿಯೆ ನೀಡಲಾಗಿದೆ. 

2016-17 ರ ನಡುವೆ ಹೊಸ 500-2,000 ರೂಪಾಯಿ ನೋಟುಗಳನ್ನು ಮುದ್ರಿಸಲು ಆರ್ ಬಿಐ 7,965 ರೂಪಾಯಿ ಖರ್ಚು ಮಾಡಿತ್ತು.