2016 ನಗ್ರೋಟಾ ಸೇನಾನೆಲೆ ಮೇಲಿನ ದಾಳಿ ಪ್ರಕರಣ; 3 ಉಗ್ರರ ಬಂಧನ

ಶ್ರೀನಗರ: 2016 ನಗ್ರೋಟಾ ಸೇನಾ ನೆಲೆ ಮೇಲಿನ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ನಡೆಸುತ್ತಿರುವ ರಾಷ್ಟ್ರೀಯ ತನಿಖಾ ದಳ (ಎನ್ಐಎ) ಅಧಿಕಾರಿಗಳು, ಮೂವರು ಉಗ್ರರನ್ನು ಬಂಧನಕ್ಕೊಳಪಡಿಸಿದ್ದಾರೆಂದು ಗುರುವಾರ ತಿಳಿದುಬಂದಿದೆ. 

ಬಂಧಿತ ಉಗ್ರರನ್ನು ಎಂ.ಡಿ. ಆಶಿಖ್ ಬಾಬಾ, ತರಿಖ್ ಅಹ್ಮದ್ ದಾರ್, ಮುನೀರ್-ಉಲ್ ಹಸ್ಸನ್ ಖ್ವಾದ್ರಿ ಎಂದು ಹೇಳಲಾಗುತ್ತಿದೆ. 

ಬಂಧಿತ ಮೂವರೂ ದಾಳಿ ಪ್ರಕರಣದಲ್ಲಿ ರುವಾರಿಗಳಾಗಿದ್ದು, ಇದರಲ್ಲಿ ಆಶಿಖ್ ಬಾಬಾ ದಾಳಿಯ ಪ್ರಮುಖ ಆರೋಪಿಯಾಗಿದ್ದಾನೆ. ಅಹ್ಮದ್ ದಾಲ್ ಮತ್ತು ಮುನೀರ್ ಕುಪ್ವಾರ ನಿವಾಸಿಗಳಾಗಿದ್ದಾರೆ. ಮೂವರೂ ಉಗ್ರರೂ ಪಾಕಿಸ್ತಾನ ಮೂಲದ ಜೈಶ್-ಇ-ಮೊಹಮ್ಮದ್ ಉಗ್ರ ಸಂಘಟನೆಯೊಂದಿಗೆ ದಿನನಿತ್ಯ ಸಂಪರ್ಕದಲ್ಲಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.