ನವದೆಹಲಿ: ನ್ಯೂ ಡೆಲ್ಲಿ ನಿಲ್ದಾಣಕ್ಕೆ ಹೋಗಬೇಕಿದ್ದು ಪ್ರಯಾಣಿಕರ ರೈಲು ತಪ್ಪಾಗಿ ಹಳೆಯ ರೈಲ್ವೆ ನಿಲ್ದಾಣಕ್ಕೆ ತಲುಪಿದ ಅಪರೂಪದ ಘಟನೆ ನಡೆಸಿದ್ದು ತಾವು ಹೋಗಬೇಕಾದ ರೈಲ್ವೆ ನಿಲ್ದಾಣ ಇದಲ್ಲ ಎಂದು ಪ್ರಯಾಣಿಕರು ಕಕ್ಕಾಬಿಕ್ಕಿಯಾದ ಘಟನೆ ನಡೆದಿದೆ.
ಮಂಗಳವಾರ ಬೆಳಗ್ಗೆ ಈ ಘಟನೆ ನಡೆದಿದೆ. ಈ ಸಂಬಂಧ ರೈಲ್ವೆ ಅಧಿಕಾರಿ ಅಸ್ಲಾಂ ಎಂಬುವರನ್ನು ಅಮಾನತು ಮಾಡಲಾಗಿದೆ. ಪಾಣಿಪತ್-ನ್ಯೂ ಡೆಲ್ಲಿ ಮತ್ತು ಸೋನಿಪತ್-ಓಲ್ಡ್ ಡೆಲ್ಲಿ ರೈಲುಗಳಿಂದ ಗೊಂದಲಕ್ಕೊಳಗಾಗಿ ಈ ಮಾರ್ಗವನ್ನು ಬದಲಿಸಿದ್ದಾರೆ ಎಂದು ತಿಳಿದುಬಂದಿದೆ.
ಬೆಳಗ್ಗೆ 7.38ರ ಸುಮಾರಿಗೆ ಎರಡು ರೈಲುಗಳು ಸದಾರ್ ಬಜಾರ್ ರೈಲ್ವೆ ನಿಲ್ದಾಣಕ್ಕೆ ಆಗಮಿಸಿದ್ದವು. ಈ ಎರಡು ರೈಲುಗಳ ಆಗಮನದ ಸಮಯ ಒಂದೇ ಆಗಿದ್ದರಿಂದ ಇದರಿಂದ ಗೊಂದಲಕ್ಕೀಡಾಗಿ ಈ ಘಟನೆ ನಡೆದಿದೆ ಎಂದು ಉತ್ತರ ರೈಲ್ವೆ ವಕ್ತಾರ ನಿತೀನ್ ಚೌಧರಿ ತಿಳಿಸಿದ್ದಾರೆ.
ತಪ್ಪಿನ ಅರಿವಾಗುತ್ತಿದ್ದಂತೆ ರೈಲನ್ನು ಮತ್ತೆ ನ್ಯೂ ಡೆಲ್ಲಿ ನಿಲ್ದಾಣಕ್ಕೆ ಕಳುಹಿಸಲಾಗಿದೆ. ಇನ್ನು ದೆಹಲಿಯಲ್ಲಿ ನಡೆದ ಅಪರೂಪದ ಘಟನೆ ಇದಾಗಿದೆ.
