ವೋಟ್ ಸಿಗುತ್ತೆ ಅಂದ್ರೆ ಬಿನ್ ಲಾಡೆನ್ ಜಯಂತಿಯನ್ನೂ ಮಾಡ್ತಾರೆ: ಸಿಟಿ ರವಿ

ಚಿಕ್ಕಮಗಳೂರು: ಮತ್ತೆ ರಾಜ್ಯದಲ್ಲಿ ಟಿಪ್ಪು ಜಯಂತಿ ವಿವಾದ ತಾರಕಕ್ಕೇರಿದ್ದು, ಬಿಜೆಪಿ ಶಾಸಕ ಸಿಟಿ ರವಿ ಸರ್ಕಾರದ ಕ್ರಮದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.

ಟಿಪ್ಪು ಜಯಂತಿಯನ್ನು ಮಾಡುತ್ತೇವೆ ಎಂದು ಸರ್ಕಾರ ಸಷ್ಟಪಡಿಸಿದ ಬೆನ್ನಲ್ಲೇ ಶಾಸಕ ಸಿಟಿ ರವಿ ಕಿಡಿಕಾರಿದ್ದಾರೆ. ಚಿಕ್ಕಮಗಳೂರಿನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಸಿಟಿ ರವಿ, 'ಟಿಪ್ಪು ಜಯಂತಿಯನ್ನು ಯಾಕೆ ಮಾಡುತ್ತಾರೆ? ಟಿಪ್ಪು ಇವರ ಅಪ್ಪಾನಾ, ತಾತನಾ, ಮುತ್ತಾತನಾ? ಎಂದು ಹೇಳುವ ಮೂಲಕ ಟಿಪ್ಪು ಜಯಂತಿ ಆಚರಣೆ ಕುರಿತು ಮೈತ್ರಿ ಸರ್ಕಾರದ ವಿರುದ್ಧ ಹರಿಹಾಯ್ದಿದ್ದಾರೆ.

'ಟಿಪ್ಪು ಕನ್ನಡಕ್ಕೆ ಕೊಡುಗೆ ಕೊಟ್ಟವನಾ? ಆಕ್ರಮಣಕಾರಿಯ ಜಯಂತಿ ಆಚರಿಸುವುದಾದರು ಏಕೆ? ಇವರನ್ನ ಹೀಗೆ ಬಿಟ್ಟರೆ ಬಾಬರ್ ಜಯಂತಿ, ಘಜ್ನಿ ಮೊಹಮ್ಮದ್​ ಜಯಂತಿ, ಉಗ್ರ ಒಸಮಾ ಬಿನ್ ಲಾಡೆನ್ ಜಯಂತಿನೂ ಮಾಡುತ್ತಾರೆ. ಅಲ್ಲದೆ ವೋಟ್​ ಜಾಸ್ತಿಯಾಗುತ್ತೆ ಎಂದು ಬಿನ್​ ಲಾಡೆನ್ ಜಯಂತಿ ಮಾಡಿದರೂ ಅಚ್ಚರಿಯೇನಿಲ್ಲ. ಆದರೆ ಜನ ಸುಮ್ಮನೆ ಬಿಡುತ್ತಾರಾ ಎಂದು ಟಿಪ್ಪು ಜಯಂತಿಗೆ ಮುಂದಾದ ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.