ಹೆಚ್ಚುವರಿಯಾದ 1 ಟ್ರಿಲಿಯನ್ ಹಣವನ್ನು ಕೇಂದ್ರಕ್ಕೆ ವರ್ಗಾಯಿಸಲಿರುವ ಆರ್ ಬಿಐ?

ಮುಂಬೈ: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ತನ್ನಲ್ಲಿರುವ ಮೀಸಲು ಹಣದ ಪೈಕಿ ಹೆಚ್ಚುವರಿಯಾಗಿರುವ ಮೊತ್ತವನ್ನು ಕೇಂದ್ರ ಸರ್ಕಾರಕ್ಕೆ ವರ್ಗಾವಣೆ ಮಾಡುವ ಸಾಧ್ಯತೆ ಇದೆ. 

ನ.26 ರಂದು ನಡೆದ ಆರ್ ಬಿಐ ನ ಆಡಳಿತ ಮಂಡಳಿ ಸಭೆಯಲ್ಲಿ ಈ ಬಗ್ಗೆ ಚರ್ಚೆ ನಡೆಸಲಾಗಿದ್ದು, ಸಮಿತಿ ರಚನೆ ಮಾಡಲು ನಿರ್ಧರಿಸಲಾಗಿದೆ. ಸಮಿತಿ ಎಷ್ಟು ಮೊತ್ತವನ್ನು ಹೆಚ್ಚುವರಿಯಾಗಿ ಸಂಗ್ರಹವಾದ ಮೊತ್ತ ಎಂದು ಹೇಳುತ್ತದೆಯೋ ಅಷ್ಟು   ಹೆಚ್ಚುವರಿಯಾಗಿ ಸಂಗ್ರಹವಾಗಿರುವ ಮೀಸಲು ಹಣವನ್ನು ಕೇಂದ್ರ ಸರ್ಕಾರಕ್ಕೆ  ವರ್ಗಾವಣೆ ಮಾಡಲಿದೆ. 

ಸಮಿತಿಯ ಸದಸ್ಯರ ಬಗ್ಗೆ ಈ ವಾರಾಂತ್ಯದ ವೇಳೆಗೆ ಘೋಷನೆಯಾಗಲಿದೆ. ಬ್ಯಾಂಕ್ ಆಫ್ ಅಮೆರಿಕ ದ ಮೆರಿಲ್ ಲಿಂಚ್ ವಿಶ್ಲೇಷಕ ಈ ಬಗ್ಗೆ ಮಾತನಾಡಿದ್ದು, ಆರ್ ಬಿಐ ನ ಎಕೆನಾಮಿಕ್ ಕ್ಯಾಪಿಟಲ್ ಫ್ರೇಮ್ ವರ್ಕ್ (ಇಸಿಎಫ್) ಗೆ ಸಂಬಂಧಿಸಿದ ಸಮಿತಿ 1-3 ಟ್ರಿಲಿಯನ್ ನಷ್ಟು ಹಣವನ್ನು ಹೆಚ್ಚುವರಿ ಮೊತ್ತ ಎಂದು ಪರಿಗಣಿಸುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.