ನವದೆಹಲಿ: ಕುಡಿದ ಮತ್ತಿನಲ್ಲಿ ಮಹಿಳಾ ಪ್ರಯಾಣಿಕರ ಸೀಟಿನ ಮೇಲೆ ವ್ಯಕ್ತಿ ಮೂತ್ರ ವಿಸರ್ಜನೆ ಮಾಡಿದ ಘಟನೆ ಏರ್ ಇಂಡಿಯಾ ಅಂತಾರಾಷ್ಟ್ರೀಯ ವಿಮಾನದಲ್ಲಿ ನಡೆದಿದ್ದು, ಘಟನೆಗೆ ಸಂಬಂಧಿಸಿದಂತೆ ನಾಗರಿಕ ವಿಮಾನಯಾನ ಸಚಿವಾಲಯ ಸಂಸ್ಥೆಯ ಬಳಿ ವರದಿ ಕೇಳಿದೆ.
ಈ ಘಟನೆ ಮೊನ್ನೆ ಆಗಸ್ಟ್ 30ರಂದು ನಡೆದಿದ್ದು ಏರ್ ಇಂಡಿಯಾ ವಿಮಾನ ಎಐ102 ನ್ಯಾಯಾರ್ಕ್ ನಿಂದ ದೆಹಲಿಗೆ ವಾಪಸಾಗುತ್ತಿತ್ತು.
ಮಹಿಳಾ ಪ್ರಯಾಣಿಕರ ಪುತ್ರಿ ಇಂದ್ರಾಣಿ ಘೋಷ್ ಈ ಘಟನೆ ಬಗ್ಗೆ ನಿನ್ನೆ ಟ್ವೀಟ್ ಮಾಡಿದ್ದಾರೆ.
'' ಒಬ್ಬರೇ ಪ್ರಯಾಣಿಸುತ್ತಿದ್ದ ನನ್ನ ತಾಯಿಗೆ ರಾತ್ರಿ ಭೋಜನ ಮುಗಿದ ನಂತರ ಪಾನಮತ್ತ ಪ್ರಯಾಣಿಕ ಅವರ ಸೀಟಿನ ಮೇಲೆ ಮೂತ್ರ ವಿಸರ್ಜಿಸಿ ತೀವ್ರ ತೊಂದರೆ ನೀಡಿದ. ಈ ಬಗ್ಗೆ ತಕ್ಷಣವೇ ಗಮನಿಸಿ ಎಂದು ಟ್ವೀಟ್ ಮಾಡಿದ್ದರು.
ನಂತರ ಏರ್ ಇಂಡಿಯಾ ಸಂಸ್ಥೆ ಸಿಬ್ಬಂದಿ ನನ್ನ ತಾಯಿಯ ಸೀಟನ್ನು ಮಾತ್ರ ಬದಲಿಸಿದರು ಎಂದು ಕಾರ್ಯಕರ್ತೆ ಕವಿತಾ ಕೃಷ್ಣನ್ ಟ್ವೀಟ್ ಗೆ ಪ್ರತಿಕ್ರಿಯಿಸಿದ ಪುತ್ರಿ, ದೆಹಲಿ ವಿಮಾನ ನಿಲ್ದಾಣದಲ್ಲಿ ನನ್ನ ತಾಯಿ ವೀಲ್ ಚೇರ್ ನಲ್ಲಿ ಕಾಯುತ್ತಿದ್ದಾಗ ಆತ ನಡೆದುಕೊಂಡು ಹೋಗುತ್ತಿದ್ದ ಎಂದಿದ್ದಾರೆ.
ಘಟನೆ ನಂತರ ಕಿರಿಯ ವಿಮಾನಯಾನ ಸಚಿವ ಜಯಂತ್ ಸಿನ್ಹಾ, ಘಟನೆ ಬಗ್ಗೆ ತಕ್ಷಣವೇ ಮಾಹಿತಿ ಪಡೆದು ವರದಿ ಸಲ್ಲಿಸುವಂತೆ ಹೇಳಿದ್ದಾರೆ,
Advertisement