ಜೈಪುರದಲ್ಲಿ ನಡೆದ ರ್ಯಾಲಿಯಲ್ಲಿ ರಾಹುಲ್ ನಿರ್ಮಲಾ ಸೀತಾರಾಮನ್ ಕುರಿತು ಹೇಳಿಕೆ ನೀಡಿ ವಿವಾದಕ್ಕೀಡಾಗಿದ್ದರು. ಪ್ರಧಾನಿಗಳು ಮಹಿಳಾ ರಕ್ಷಣಾ ಸಚಿವರ ಹಿಂದೆ ಅಡಗಿಕೊಂಡಿದ್ದಾರೆ ಎಂದು ಅವರು ಹೇಳಿದ್ದರು. ರಾಫೆಲ್ ಕುರಿತು ಲೋಕಸಭೆಯಲ್ಲಿ ಕೆಲವು ಪ್ರಶ್ನೆಗಳಿಗೆ ಉತ್ತರಿಸಲು ನಾವು ಪ್ರಧಾನಿಗೆ ಕೇಳಿದೆವು ಆದರೆ ಪ್ರಧಾನಿ ಲೋಕಸಭೆಗೆ ಒಂದು ನಿಮಿಷದಷ್ಟು ಸಮಯಕ್ಕಾಗಿಯೂ ಹಾಜರಾಗಿಲ್ಲ.ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ಎರಡುವರೆ ಗಂಟೆಗಳ ಕಾಲ ಮಾತನಾಡಿದರು, ಆದರೆ ನಮ್ಮ ಪ್ರಶ್ನೆಗಳಿಗೆ ಉತ್ತರಿಸಲಾಗಲಿಲ್ಲ. ನಾವು ಅವರ ವಾದಗಳನ್ನು ಬದಿಗೆ ಸರಿಸಿದ್ದೇವೆ, ಆದರೆ ಪ್ರಧಾನಿಗಳು ಲೋಕಸಭೆಯಲ್ಲಿ ಮುಖ ತೋರಿಸಲಿಲ್ಲ. ಅವರು ತಮ್ಮನ್ನು ರಕ್ಷಿಸುವಂತೆ ಮಹಿಳೆಯೊಬ್ಬರ ಬಳಿ ಕೇಳಿಕೊಂಡಿದ್ದರು. ಅದರಂತೆ ಆಕೆ ಪ್ರಧಾನಿಗಳನ್ನು ಎರಡೂವರೆ ಗಂಟೆಯ ಕಾಲ ರಕ್ಷಿಸಿದ್ದು ಹೇಗೆಂದು ನೀವೆಲ್ಲಾ ನೋಡಿದ್ದಿರಿ ಎಂದು ರಾಹುಲ್ ಹೇಳಿದ್ದಾರೆ.
