ಜಿಂದ್: ಲೋಕಸಭೆ ಚುನಾವಣೆ ಹತ್ತಿರವಾಗುತ್ತಿದ್ದಂತೆ ದೇಶದಲ್ಲಿ ನಡೆಯುವ ರಾಜ್ಯಗಳ ವಿಧಾನಸಭೆ ಚುನಾವಣೆಗಳ ಫಲಿತಾಂಶ ರಾಷ್ಟ್ರೀಯ ಪಕ್ಷಗಳ ಕೈ ಬಲ ಮಾಡುತ್ತದೆ. ಅಂತೆ ಜಿಂದ್ ಉಪಚುನಾವಣೆಯಲ್ಲಿ ಬಿಜೆಪಿ ಭರ್ಜರಿ ಜಯ ಗಳಿಸಿದೆ.
ಜನನಾಯಕ ಜನತಾ ಪಕ್ಷ(ಜೆಜೆಪಿ)ದ ಅಭ್ಯರ್ಥಿ ದಿಗ್ವಿಜಯ್ ಸಿಂಗ್ ಚೌಟಾಲಾರನ್ನು ಬಿಜೆಪಿ ಅಭ್ಯರ್ಥಿ ಕೃಷನ್ ಲಾಲ್ ಮಿಡ್ಡಾ ಅವರು 12,935 ಮತಗಳ ಅಂತರದಿಂದ ಸೋಲಿಸಿದ್ದಾರೆ.
ಕೃಷನ್ ಲಾಲ್ ಮಿಡ್ಡಾ ಒಟ್ಟು 50,566 ಮತಗಳನ್ನು ಪಡೆದರೆ, ಜೆಜೆಪಿಯ ಚೌಟಾಲಾಗೆ 37,631 ಮತಗಳು ಲಭಿಸಿವೆ. ಇನ್ನು ಕಾಂಗ್ರೆಸ್ ನ ಆರ್ ಎಸ್ ಸುರ್ ಜೇವಾಲಾ ಅವರಿಗೆ 22,740 ಮತಗಳು ದೊರಕಿವೆ.
ಹಾಲಿ ಶಾಸಕನಾಗಿದ್ದು ಕಣಕ್ಕಿಳಿಸಲ್ಪಟ್ಟಿದ್ದ ಕಾಂಗ್ರೆಸ್ ವಕ್ತಾರ ಬಲಿಷ್ಠ ಅಭ್ಯರ್ಥಿ ರಣದೀಪ್ ಸುರ್ ಜೇವಾಲಾ ಅವರು ತೃತೀಯ ಸ್ಥಾನಕ್ಕಿಳಿದದ್ದು ಕಾಂಗ್ರೆಸ್ ಗೆ ಭಾರೀ ಮುಖಭಂಗವಾದಂತಾಗಿದೆ.
