ನವದೆಹಲಿ: ಕೇಂದ್ರ ಸರ್ಕಾರ ಜಮ್ಮು ಮತ್ತು ಕಾಶ್ಮೀರಕ್ಕೆ ನೀಡಿದ್ದ ವಿಶೇಷ ಸ್ಥಾನಮಾನವನ್ನು ರದ್ದುಗೊಳಿಸಿದ್ದನ್ನು ಖಂಡಿಸಿ ಪಾಕಿಸ್ತಾನ ಲಾಹೋರ್ - ದೆಹಲಿ ಬಸ್ ಸೇವೆ ಸ್ಥಗಿತಗೊಳಿಸಿದ ನಂತರ ಭಾರತ ಸಹ ದೆಹಲಿ - ಲಾಹೋರ್ ಬಸ್ ಸೇವೆಯನ್ನು ಸೋಮವಾರ ರದ್ದುಗೊಳಿಸಿದೆ.
370ನೇ ವಿಧಿ ರದ್ದುಗೊಳಿಸಿದ ಬಳಿಕ ಹತಾಶೆಯಿಂದ ಚಡಪಡಿಸುತ್ತಿರುವ ಪಾಕಿಸ್ತಾನ, ದೆಹಲಿ ಹಾಗೂ ಲಾಹೋರ್ ನಡುವಿನ ಸೌಹಾರ್ಧ ಬಸ್ ಸೇವೆಯನ್ನೂ ರದ್ದುಗೊಳಿಸಿರುವುದಾಗಿ ಶನಿವಾರ ಪಾಕಿಸ್ತಾನದ ಹಿರಿಯ ಸಚಿವರು ತಿಳಿಸಿದ್ದರು.
ಇದೀಗ ಭಾರತ ಸಹ ಬಸ್ ಸೇವೆಯನ್ನು ಸ್ಥಗಿತಗೊಳಿಸಿದ್ದು, ಸೋಮವಾರ ಬೆಳಗ್ಗೆ 6 ಗಂಟೆಯಿಂದ ದೆಹಲಿ - ಲಾಹೋರ್ ಬಸ್ ಸೇವೆ ರದ್ದುಗೊಳಿಸಿರುವುದಾಗಿ ದೆಹಲಿ ಸಾರಿಗೆ ಸಂಸ್ಥೆಯ ಪ್ರಕಟಣೆಯಲ್ಲಿ ತಿಳಿಸಿದೆ.
1999ರಲ್ಲಿ ದೆಹಲಿ - ಲಾಹೋರ್ ಬಸ್ ಸೇವೆಯನ್ನು ಆರಂಭಿಸಲಾಗಿತ್ತು. ಆದರೆ 2001ರಲ್ಲಿ ನಡೆದ ಸಂಸತ್ ದಾಳಿಯ ನಂತರ ಬಸ್ ಸೇವೆಯನ್ನು ಸ್ಥಗಿತಗೊಳಿಸಲಾಗಿತ್ತು. ಬಳಿಕ 2003ರಲ್ಲಿ ಪುನಾ ಆರಂಭಿಸಲಾಗಿತ್ತು.
ನಿನ್ನೆಯಷ್ಟೇ ಪಾಕಿಸ್ತಾನದ ಲಾಹೋರ್ಗೆ ತೆರಳಬೇಕಿರುವ ಸಂಜೋತಾ ಎಕ್ಸ್ಪ್ರೆಸ್ ರೈಲು ಸೇವೆಯನ್ನು ರದ್ದುಗೊಳಿಸಿರುವುದಾಗಿ ಕೇಂದ್ರ ಸರ್ಕಾರ ತಿಳಿಸಿತ್ತು.
Advertisement