ಪೆಟ್ರೋಲ್, ಡೀಸೆಲ್ ಮೇಲಿನ ಅಬಕಾರಿ ಆದಾಯ ಎಲ್ಲಿ ಖರ್ಚಾಗಿದೆ?: ಕೇಂದ್ರ ಸರ್ಕಾರಕ್ಕೆ 'ಚಿದಂಬರ' ಪ್ರಶ್ನೆ

ಇಂಧನ ತೆರಿಗೆಯಿಂದ ಗಳಿಸಿದ ಹಣವನ್ನು ಕೇಂದ್ರ ಸರಕಾರ ಎಲ್ಲಿಗೆ ಖರ್ಚು ಮಾಡಿದೆ ಎಂದು ಮಾಜಿ ವಿತ್ತ ಸಚಿವ ಪಿ.ಚಿದಂಬರಂ ಅವರು ಪ್ರಶ್ನಿಸಿದ್ದು, ಅದರಲ್ಲಿ ಹೆಚ್ಚಿನ ಭಾಗವನ್ನು ಕಾರ್ಪೊರೇಟ್‌ಗಳಿಗೆ ರಿಯಾಯಿತಿ ನೀಡಲು ಬಳಸಲಾಗಿದೆ...

Published: 13th November 2021 05:31 PM  |   Last Updated: 13th November 2021 05:31 PM   |  A+A-


chidambaram1

ಕಾಂಗ್ರೆಸ್ ಮುಖಂಡ ಪಿ. ಚಿದಂಬರಂ

UNI

ನವದೆಹಲಿ: ಇಂಧನ ತೆರಿಗೆಯಿಂದ ಗಳಿಸಿದ ಹಣವನ್ನು ಕೇಂದ್ರ ಸರಕಾರ ಎಲ್ಲಿಗೆ ಖರ್ಚು ಮಾಡಿದೆ ಎಂದು ಮಾಜಿ ವಿತ್ತ ಸಚಿವ ಪಿ.ಚಿದಂಬರಂ ಅವರು ಪ್ರಶ್ನಿಸಿದ್ದು, ಅದರಲ್ಲಿ ಹೆಚ್ಚಿನ ಭಾಗವನ್ನು ಕಾರ್ಪೊರೇಟ್‌ಗಳಿಗೆ ರಿಯಾಯಿತಿ ನೀಡಲು ಬಳಸಲಾಗಿದೆ ಎಂದು ಆರೋಪಿದ್ದಾರೆ.

ಈ ಕುರಿತು ಸರಣಿ ಟ್ವೀಟ್‌ ಮಾಡಿರುವ ಚಿದಂಬರಂ, ಕೇರಳ ಹಣಕಾಸು ಸಚಿವ ಕೆಎನ್ ಬಾಲಗೋಪಾಲ್ ಹಂಚಿಕೊಂಡ ಮಾಹಿತಿಯನ್ನು ಉಲ್ಲೇಖಿಸಿ, "ಕೇರಳ ಹಣಕಾಸು ಸಚಿವರು ಪೆಟ್ರೋಲ್ ಮತ್ತು ಡೀಸೆಲ್ ಮೇಲೆ ಸಂಗ್ರಹಿಸಲಾದ ತೆರಿಗೆಗಳ ಅಂಕಿಅಂಶಗಳನ್ನು ಬಹಿರಂಗಪಡಿಸಿದ್ದಾರೆ. ಇದಕ್ಕೆ ಕೇಂದ್ರ ಹಣಕಾಸು ಸಚಿವರು ಉತ್ತರ ನೀಡಬೇಕು" ಎಂದು ಹೇಳಿದ್ದಾರೆ.

"2020-21ರಲ್ಲಿ ಅಬಕಾರಿ ಸುಂಕ, ಸೆಸ್ ಮತ್ತು ಹೆಚ್ಚುವರಿ ಅಬಕಾರಿ ಸುಂಕದ ರೂಪದಲ್ಲಿ 3,72,000 ಕೋಟಿ ರೂ.ಗಳನ್ನು ಸಂಗ್ರಹಿಸಲಾಗಿದೆ ಎಂದು ಅಂಕಿಅಂಶಗಳು ತೋರಿಸುತ್ತವೆ. ಈ ಬೃಹತ್ ಮೊತ್ತದಲ್ಲಿ ಕೇವಲ 18 ಸಾವಿರ ರೂ.ಗಳನ್ನು ಮೂಲ ಅಬಕಾರಿ ಸುಂಕವಾಗಿ ಸಂಗ್ರಹಿಸಿ, ಅದರಲ್ಲಿ ಶೇ.41 ರಷ್ಟನ್ನು ರಾಜ್ಯಗಳೊಂದಿಗೆ ಹಂಚಿಕೊಳ್ಳಲಾಗಿದೆ. ಉಳಿದ 3,54,000 ಕೋಟಿ ಕೇಂದ್ರಕ್ಕೆ ಹೋಯಿತು” ಎಂದು ಹೇಳಿದ್ದಾರೆ.

‘‘ಇದು ಮೋದಿ ಸರಕಾರ ನಡೆಸುತ್ತಿರುವ ‘ಸಹಕಾರಿ ಫೆಡರಲಿಸಂ’ ಮಾದರಿ. ಇದರ ಹೊರತಾಗಿ ₹ 3,54,000 ಕೋಟಿಯಷ್ಟು ಬೃಹತ್ ಮೊತ್ತವನ್ನು ಎಲ್ಲಿ, ಹೇಗೆ ಯಾರಿಗೆ ಖರ್ಚು ಮಾಡಲಾಗಿದೆ? 1,45,000 ಕೋಟಿಯಷ್ಟು ಹಣವನ್ನು ಕಾರ್ಪೊರೇಟ್‌ಗಳಿಗೆ ಬಳಸಲಾಗಿದೆ. ಕಾರ್ಪೊರೇಟ್ ತೆರಿಗೆಗಳನ್ನು ಕಡಿಮೆ ಮಾಡುವ ಮೂಲಕ ಮತ್ತು ಕಾರ್ಪೊರೇಟ್ ಬೋನಸ್ ಪಾವತಿಸುವ ಮೂಲಕ ಅಂತರವನ್ನು ಸೃಷ್ಟಿಸಲಾಗಿದೆ" ಎಂದಿದ್ದಾರೆ.

ನೋಟು ಅಮಾನ್ಯೀಕರಣವನ್ನು ಉಲ್ಲೇಖಿಸಿ, "ಕುಖ್ಯಾತ ನೋಟು ಅಮಾನ್ಯೀಕರಣದ ಐದು ವರ್ಷಗಳ ನಂತರ, ಮೋದಿ ಸರ್ಕಾರದ ದೊಡ್ಡ ಘೋಷಣೆಗಳ ಸ್ಥಿತಿ ಏನು? ನಾವು ನಗದು ರಹಿತ ಆರ್ಥಿಕತೆಯಾಗಬೇಕು ಎಂದು ಮೋದಿ ಈ ಹಿಂದೆ ಹೇಳಿದ್ದರು! ಕೆಲವೇ ದಿನಗಳಲ್ಲಿ ಇದೊಂದು ಅಸಂಬದ್ಧ ಗುರಿ ಎಂಬುದನ್ನು ಅವರು ಅರಿತುಕೊಂಡರು” ಎಂದಿದ್ದಾರೆ.

ಮಧ್ಯಮ ವರ್ಗ ಮತ್ತು ಬಡವರು ಖರ್ಚು ಮಾಡಲು ಹಣವಿಲ್ಲದ ಕಾರಣ ಭಾರತವು ಕಡಿಮೆ ನಗದು ಆರ್ಥಿಕತೆಯಾಗಿದೆ. ಹೆಚ್ಚಿನ ನಿರುದ್ಯೋಗ ಮತ್ತು ಹಣದುಬ್ಬರಕ್ಕೆ ಧನ್ಯವಾದಗಳು, ಬಡ ಮತ್ತು ಕೆಳ ಮಧ್ಯಮ ವರ್ಗದವರು ಕಡಿಮೆ ಹಣವನ್ನು ಗಳಿಸುತ್ತಾರೆ ಮತ್ತು ಕಡಿಮೆ ಹಣವನ್ನು ಖರ್ಚು ಮಾಡುತ್ತಾರೆ. ನಾವು ನಿಜವಾಗಿಯೂ ಕಡಿಮೆ ನಗದು ಆರ್ಥಿಕತೆಯಾಗಿದ್ದೇವೆ! ಚೆನ್ನಾಗಿದೆ!" ಎಂದು ಚಿದಂಬಂರಂ ವ್ಯಂಗ್ಯವಾಡಿದ್ದಾರೆ.


Stay up to date on all the latest ರಾಷ್ಟ್ರೀಯ news
Poll
Omicron-Covid-variant

ಭಾರತದಲ್ಲಿ ಕೋವಿಡ್‌ನಿಂದ 4.7 ಮಿಲಿಯನ್ ಜನರು ಸಾವನ್ನಪ್ಪಿದ್ದಾರೆ ಎಂಬ WHO ವರದಿ ಮತ್ತು ಅಂಕಿಅಂಶಗಳನ್ನು ನೀವು ಒಪ್ಪುತ್ತೀರಾ?


Result
ಹೌದು, ಒಪ್ಪಬಹುದು
ಇಲ್ಲ, ಒಪ್ಪಲಾಗದು

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp