ಅಹಮದಾಬಾದ್: ಮುಂಬರುವ ಗುಜರಾತ್ ವಿಧಾನಸಭೆ ಚುನಾವಣೆಗೆ ಆಮ್ ಆದ್ಮಿ ಪಕ್ಷ(ಎಎಪಿ) ಭಾನುವಾರ ಮತ್ತೆ 12 ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ ಮಾಡಿದೆ. ಇದು ಎಎಪಿ ಅಭ್ಯರ್ಥಿಗಳ ಐದನೇ ಪಟ್ಟಿಯಾಗಿದೆ.
ಭುಜ್‌ನಿಂದ ರಾಜೇಶ್ ಪಾಂಡೋರಿಯಾ, ಇದರ್‌ನಿಂದ ಜಯಂತಿಭಾಯಿ ಪರ್ನಾಮಿ ಮತ್ತು ನಿಕೋಲ್ ಕ್ಷೇತ್ರದಿಂದ ಅಶೋಕ್ ಗಜೇರಾ ಅವರನ್ನು ಆಪ್ ಕಣಕ್ಕಿಳಿಸಿದೆ.
ಸಬರಮತಿಯಿಂದ ಜಸ್ವಂತ್ ಠಾಕೂರ್ ಅವರಿಗೆ ಟಿಕೆಟ್ ನೀಡಲಾಗಿದ್ದು, ಟಂಕರಾದಿಂದ ಸಂಜಯ್ ಭಟಸ್ನಾ ಟಿಕೆಟ್ ಪಡೆದಿದ್ದಾರೆ. ಇದಲ್ಲದೆ, ವಾಲ್ಜಿಭಾಯಿ ಮಕ್ವಾನಾ, ರಾವ್ಜಿಭಾಯಿ ಸೋಮಾಭಾಯ್ ವಘೇಲಾ ಮತ್ತು ಉದೇಸಿನ್ಹ್ ಚೌಹಾಣ್ ಅವರು ಕ್ರಮವಾಗಿ ಕೊಡಿನಾ, ಮಹುಧಾ ಮತ್ತು ಬಲಸಿನೋರ್ ಕ್ಷೇತ್ರಗಳಿಂದ ಕಣಕ್ಕಿಳಿದಿದ್ದಾರೆ.
ಗುಜರಾತ್ ಚುನಾವಣೆಗೆ ಆಪ್ ಇದುವರೆಗೆ 53 ಅಭ್ಯರ್ಥಿಗಳ ಹೆಸರನ್ನು ಪ್ರಕಟಿಸಿದೆ.
182 ಸ್ಥಾನಗಳ ಗುಜರಾತ್ ವಿಧಾನಸಭೆಗೆ ಈ ವರ್ಷದ ಕೊನೆಯಲ್ಲಿ ಚುನಾವಣೆ ನಡೆಯಲಿದೆ.
ಕಳೆದ 24 ವರ್ಷಗಳಿಂದ ಗುಜರಾತ್‌ನಲ್ಲಿ ಬಿಜೆಪಿ ಅಧಿಕಾರದಲ್ಲಿದೆ. ಸ್ವತಃ ಪ್ರಧಾನಿ ನರೇಂದ್ರ ಮೋದಿ ಅವರು 12 ವರ್ಷ 227 ದಿನಗಳ ಕಾಲ ಮುಖ್ಯಮಂತ್ರಿಯಾಗಿದ್ದರು. ಅವರಿಗಿಂತ ಮೊದಲು ಕೇಶುಭಾಯ್ ಪಟೇಲ್ 216 ದಿನಗಳ ಕಾಲ ರಾಜ್ಯದ ಸಿಎಂ ಆಗಿದ್ದರು. ಮೋದಿ ನಂತರ ಆನಂದಿಬೆನ್ ಪಟೇಲ್, ವಿಜಯ್ ರೂಪಾನಿ ಮತ್ತು ಈಗ ಭೂಪೇಂದ್ರ ಪಟೇಲ್ ಗುಜರಾತ್ ಮುಖ್ಯಮಂತ್ರಿಯಾಗಿದ್ದಾರೆ.
