'ಹೊರಗಿನವರಿಗಿಂತ ದೇಶದೊಳಗಿನ ಶತ್ರುಗಳನ್ನು ಎದುರಿಸುವುದೇ ಸವಾಲು: ಭಾರತದಲ್ಲಿ ಇಸ್ಲಾಂ ಯಾವಾಗಲೂ ಸುರಕ್ಷಿತ'

ನಾಗ್ಪುರ: ದೇಶದ ಗಡಿಯಲ್ಲಿರುವ ಶತ್ರುಗಳಿಗೆ ನಮ್ಮ ಶಕ್ತಿ ತೋರಿಸುವ ಬದಲು ನಮ್ಮ ನಮ್ಮಲ್ಲೇ ಕಾದಾಡುತ್ತಿದ್ದೇವೆ ಎಂದು ರಾಷ್ಟ್ರೀಯ ಸ್ವಯಂ ಸೇವಕ ಸಂಘ (ಆರ್‌ಎಸ್‌ಎಸ್‌ ) ಮುಖ್ಯಸ್ಥ ಮೋಹನ್ ಭಾಗವತ್ ವಿಷಾದ ವ್ಯಕ್ತಪಡಿಸಿದ್ದಾರೆ.

ನಾಗ್ಪುರಗಲ್ಲಿ  ನಡೆದ ‘ಸಂಘ ಶಿಕ್ಷಾ ವರ್ಗ್’ದ (ಆರ್‌ಎಸ್‌ಎಸ್‌ ಕಾರ್ಯಕರ್ತರಿಗೆ ಅಧಿಕಾರಿಗಳ ತರಬೇತಿ ಶಿಬಿರ)  ಸಮಾರಂಭದಲ್ಲಿ ಮಾತನಾಡಿದ ಅವರು, ಭಾರತದ ಪ್ರತಿಯೊಬ್ಬ ನಾಗರಿಕ ದೇಶದ ಏಕತೆ ಮತ್ತು ಸಮಗ್ರತೆ ಹೆಚ್ಚಿಸಲು ಪ್ರಯತ್ನಿಸಬೇಕು ಎಂದರು. ಸಮಾಜದಲ್ಲಿ ಧರ್ಮ ಮತ್ತು ಪಂಥಕ್ಕೆ ಸಂಬಂಧಿಸಿದ ಹಲವಾರು ಭಿನ್ನಾಭಿಪ್ರಾಯಗಳಿವೆ. ನಾವು ಒಂದೇ ದೇಶ ಎಂಬುದನ್ನು ಮರೆಯುತ್ತಿದ್ದೇವೆ ಎಂದರು

ಮೋಹನ್ ಭಾಗವತ್ ಅವರು ತಮ್ಮ ಭಾಷಣದಲ್ಲಿ ಜಾಗತಿಕ ಆರ್ಥಿಕ ಬಿಕ್ಕಟ್ಟಿನ ಬಿಕ್ಕಟ್ಟಿನ ಸಂದರ್ಭದಲ್ಲಿ ಮತ್ತು ನಂತರ ಕೊರೊನಾ ವೈರಸ್ ಸಾಂಕ್ರಾಮಿಕ  ಸಮಯದಲ್ಲಿ ಭಾರತವು ಎಲ್ಲಾ ದೇಶಗಳಲ್ಲಿ ಅದ್ಭುತವಾಗಿ ಕಾರ್ಯನಿರ್ವಹಿಸಿತು ಎಂದು ಹೇಳಿದರು. ನಮ್ಮ ಸಮಾಜದಲ್ಲಿ ಧರ್ಮ, ಜಾತಿಯಿಂದ ಹಿಡಿದು ಹಲವು ರೀತಿಯ ವಿವಾದಗಳಿವೆ ಎಂದರು.

ಹೊರಗಿನವರು ಈಗ ಹೋಗಿದ್ದಾರೆ. ಈಗ ಎಲ್ಲರೂ ಒಳಗಿನವರೇ. ಆದರೂ ಹೊರಗಿನವರ ವಿಚಾರಗಳ ಪ್ರೇರಣೆಯಲ್ಲಿ ಹಲವರು ಇದ್ದಾರೆ. ಕೆಲವು ವಿಷಯಗಳಲ್ಲಿ ಗೊಂದಲ ಸೃಷ್ಟಿಸುವುದು ನಡೆದೇ ಇದೆ. ಅವರೆಲ್ಲಾ ನಮ್ಮವರೇ. ಇದನ್ನು ನಾವು ಅರ್ಥ ಮಾಡಿಕೊಳ್ಳಬೇಕಿದೆ. ಅವರ ಚಿಂತನೆಯಲ್ಲಿ ಬದಲಾವಣೆ ಆಗಬೇಕೆಂದಿದ್ದರೆ ಅದನ್ನೂ ಮಾಡೋಣ ಎಂದು ಹೇಳಿದರು.

ಇದನ್ನೂ ಓದಿ: ದೇಶದಾದ್ಯಂತ ಕ್ರೈಸ್ತ ಮಿಷನರಿಗಳಿಗಿಂತ ಹಿಂದೂ ಸಂತರು ಉತ್ತಮವಾಗಿ ಕೆಲಸ ಮಾಡುತ್ತಿದ್ದಾರೆ: ಮೋಹನ್ ಭಾಗವತ್

ಕೆಲವು ಧರ್ಮಗಳು ಭಾರತದ ಹೊರಗಿನವು. ಅವುಗಳೊಂದಿಗೆ ನಾವು ಯುದ್ದ ಮಾಡಿದ್ದೇವೆ. ಭಾರತದಲ್ಲಿ ಇಸ್ಲಾಂ ಯಾವಾಗಲೂ ಸುರಕ್ಷಿತ ಎನ್ನುವುದನ್ನು ಎಲ್ಲರೂ ಅರ್ಥ ಮಾಡಿಕೊಳ್ಳಬೇಕಿದೆ. ಇನ್ನು ದೇಶದೊಳಗೆ ಆಗಿರುವ ಜಾತಿಯ ತಾರತಮ್ಯದ ನೋವನ್ನೂ ಅನುಭವಿಸಿದ್ದೇವೆ. ಹಿಂದೆ ನಾವು ಮಾಡಿದ ಇಂತಹ ತಪ್ಪುಗಳಿಗೆ ಈಗಲೂ ಪರಿತಪಿಸುತ್ತಿದ್ದೇವೆ ಎಂದು ಬೇಸರ ವ್ಯಕ್ತಪಡಿಸಿದರು.

ಗಡಿ ಭದ್ರತೆಯ ಬಗ್ಗೆ ಮಾತನಾಡಿದ ಸಂಘದ ಭಾಗವತ್, ಗಡಿಯಲ್ಲಿ ಕುಳಿತಿರುವ ಶತ್ರುಗಳಿಗೆ ನಮ್ಮ ಶಕ್ತಿ ತೋರಿಸುತ್ತಿಲ್ಲ, ಆದರೆ ನಾವು ನಮ್ಮ ನಡುವೆಯೇ ಹೋರಾಡುತ್ತಿದ್ದೇವೆ. ಅವರು ಹೇಳಿದರು, ಪ್ರತಿಯೊಬ್ಬರೂ ಭಾರತದ ಸಮಗ್ರತೆ (ಪ್ರಗತಿ) ಮತ್ತು ಏಕತೆಯನ್ನು ಕಾಪಾಡಿಕೊಳ್ಳಲು ಶ್ರಮಿಸಬೇಕು. ಮತ್ತು ಯಾವುದೇ ನ್ಯೂನತೆಗಳಿದ್ದರೆ, ನಾವೆಲ್ಲರೂ ಒಟ್ಟಾಗಿ ಕೆಲಸ ಮಾಡಬೇಕು. ಕೆಲವು ಧರ್ಮಗಳು ಭಾರತದ ಹೊರಗಿನಿಂದ ಬಂದಿವೆ ಮತ್ತು ನಾವು ಅನೇಕ ರೀತಿಯ ಹೋರಾಟಗಳನ್ನು ಮಾಡಬೇಕಾಗಿದೆ ಎಂದು ಹೇಳಿದರು.

ಈಗ ಎಲ್ಲರೂ ಒಳಗಿನವರು ಇನ್ನೂ ಕೆಲವರು ಹೊರಗಿನವರ ಪ್ರಭಾವಕ್ಕೆ ಒಳಗಾಗಿದ್ದಾರೆ ಮತ್ತು ಅವರು ನಮ್ಮ ಜನರು ಇದನ್ನು ಅರ್ಥಮಾಡಿಕೊಳ್ಳಬೇಕು. ಯಾವುದೇ ಕೊರತೆಯಿದ್ದರೆ ಅದನ್ನು ಸರಿಪಡಿಸುವುದು ನಮ್ಮೆಲ್ಲರ ಹೊಣೆ ಎಂದು ಹೇಳಿದರು.