ತಮಿಳುನಾಡು: ಕ್ರೀಡಾ ಸಚಿವನ 14 ವರ್ಷದ ದಾಂಪತ್ಯಕ್ಕೆ ಎಳ್ಳು ನೀರು; ಡೈಸಿ ಮಾರ್ಟಿನ್ ಗೆ ಡಿವೋರ್ಸ್ ನೀಡಿದ ಆಧವ್ ಅರ್ಜುನ

ತಮಿಳುನಾಡು ಸರ್ಕಾರದಲ್ಲಿ ಲೋಕೋಪಯೋಗಿ ಮತ್ತು ಕ್ರೀಡಾ ಸಚಿವರಾಗಿರುವ ಅಧವ್ ಅರ್ಜುನ, ಪ್ರಸಿದ್ಧ ಲಾಟರಿ ಉದ್ಯಮಿ ಸ್ಯಾಂಟಿಯಾಗೊ ಮಾರ್ಟಿನ್ ಅವರ ಪುತ್ರಿ ಡೈಸಿ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು.
Aadhav Arjuna and  Daisy Martin
ಆಧವ್ ಅರ್ಜುನ್ ಮತ್ತು ಡೈಸಿ ಮಾರ್ಟಿನ್
Updated on: 

ಚೆನ್ನೈ: ಸಿಎಂ ವಿಜಯ್ ಅವರ ಅತ್ಯಾಪ್ತ ಹಾಗೂ ತಮಿಳುನಾಡಿನ ಸಚಿವ ಆಧವ್ ಅರ್ಜುನ್ ಹಾಗೂ ಅವರ ಪತ್ನಿ ಡೈಸಿ ಮಾರ್ಟಿನ್ 14 ವರ್ಷದ ದಾಂಪತ್ಯ ಜೀವನ ಕೊನೆಗೊಳಿಸಿದ್ದು ಡಿವೋರ್ಸ್ ಅನೌನ್ಸ್ ಮಾಡಿದ್ದಾರೆ.

ತಮಿಳುನಾಡು ಸರ್ಕಾರದಲ್ಲಿ ಲೋಕೋಪಯೋಗಿ ಮತ್ತು ಕ್ರೀಡಾ ಸಚಿವರಾಗಿರುವ ಅಧವ್ ಅರ್ಜುನ, ಪ್ರಸಿದ್ಧ ಲಾಟರಿ ಉದ್ಯಮಿ ಸ್ಯಾಂಟಿಯಾಗೊ ಮಾರ್ಟಿನ್ ಅವರ ಪುತ್ರಿ ಡೈಸಿ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಅಧವ್ ಅರ್ಜುನ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದ ದಿನದಂದು ಡೈಸಿ ಸಮಾರಂಭದಲ್ಲಿ ಭಾಗವಹಿಸಿದ್ದರು.

ಈ ಪರಿಸ್ಥಿತಿಯಲ್ಲಿ, ಸಚಿವ ಅಧವ್ ಅರ್ಜುನ ಅವರ ಪತ್ನಿ ಡೈಸಿ ಅವರು ಬೇರ್ಪಡುತ್ತಿರುವುದಾಗಿ ಘೋಷಿಸಿದ್ದಾರೆ. ಡೈಸಿ ಮಾರ್ಟಿನ್ ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ, "ನಾವು ಕಳೆದ 14 ವರ್ಷಗಳಿಂದ ಪರಸ್ಪರರ ಜೀವನದಲ್ಲಿ ಒಟ್ಟಿಗೆ ಪ್ರಯಾಣಿಸಿದ್ದೇವೆ. ಪ್ರೀತಿ, ತಿಳುವಳಿಕೆ ಮತ್ತು ಬದಲಾವಣೆಯಿಂದ ತುಂಬಿದ ಆ ಪ್ರಯಾಣದಲ್ಲಿ, ನಾವು ಸ್ನೇಹಿತರು, ಸಂಗಾತಿಗಳು ಮತ್ತು ಪೋಷಕರಂತೆ ಜೀವನದ ವಿವಿಧ ಹಂತಗಳ ಮೂಲಕ ಹೋಗಿದ್ದೇವೆ.

ಇಂದು, ಆದವ್ ಅರ್ಜುನ ಮತ್ತು ನಾನು ಪರಸ್ಪರ ಬೇರ್ಪಡಲು ಮತ್ತು ನಮ್ಮ ಪ್ರತ್ಯೇಕ ದಾರಿಯಲ್ಲಿ ಹೋಗಲು ನಿರ್ಧರಿಸಿದ್ದೇವೆ. ಇದು ನಮ್ಮಿಬ್ಬರಿಗೂ ಹೊಸ ಆರಂಭವಾಗಿದ್ದರೂ, ನಮ್ಮ ಮಗುವನ್ನು ಉತ್ತಮ ರೀತಿಯಲ್ಲಿ ಬೆಳೆಸಲು ಮತ್ತು ಮಗುವಿನ ಸಂತೋಷ ಮತ್ತು ಯೋಗಕ್ಷೇಮವನ್ನು ಖಚಿತಪಡಿಸಿಕೊಳ್ಳಲು ನಾವು ಒಟ್ಟಾಗಿ ಕೆಲಸ ಮಾಡುವುದನ್ನು ಮುಂದುವರಿಸುತ್ತೇವೆ ಎಂದಿದ್ದಾರೆ.

Aadhav Arjuna and  Daisy Martin
ಪವನ್ ಕಲ್ಯಾಣ್‌ ವಿಚ್ಛೇದನ: ತಿಂಗಳ ಹಿಂದಷ್ಟೇ ಹೆಸರು ಬದಲಿಸಿಕೊಂಡಿದ್ದ ಅನ್ನಾ; ಕೊನಿಡೆಲಾ ಮನೆತನದ ಹೆಸರು ಸೇರ್ಪಡೆ!

ಇದು ನಮ್ಮ ಪ್ರಮುಖ ಆದ್ಯತೆಯಾಗಿರುತ್ತದೆ. ಅಧವ್ ಅರ್ಜುನ್ ಬಗ್ಗೆ ನನಗೆ ಯಾವಾಗಲೂ ಅಪಾರ ಗೌರವವಿದೆ. ಅವರ ಎಲ್ಲಾ ಪ್ರಯತ್ನಗಳಲ್ಲಿ ಸಂತೋಷ, ಶಾಂತಿ ಮತ್ತು ಯಶಸ್ಸನ್ನು ನಾನು ಪ್ರಾಮಾಣಿಕವಾಗಿ ಬಯಸುತ್ತೇನೆ.

ಈ ಬದಲಾವಣೆಯ ಸಮಯದಲ್ಲಿ, ನಮ್ಮ ವೈಯಕ್ತಿಕ ಸ್ವಾತಂತ್ರ್ಯಗಳನ್ನು ಗೌರವಿಸುವಲ್ಲಿ ನಿಮ್ಮ ತಿಳುವಳಿಕೆ, ದಯೆ ಮತ್ತು ಸಹಕಾರವನ್ನು ನಾವು ದಯೆಯಿಂದ ಕೋರುತ್ತೇವೆ ಎಂದು ಅವರು ಡಿವೋರ್ಸ್ ಅನೌನ್ಸ್ ಮಾಡುವಾಗ ಬರೆದುಕೊಂಡಿದ್ದಾರೆ.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

X