ಕಾಂಗ್ರೆಸ್ ಉಸ್ತುವಾರಿ ಕೆ.ಸಿ ವೇಣುಗೋಪಾಲ್ ವಾಸ್ತವ್ಯಕ್ಕಾಗಿ ವಸಂತ ನಗರದಲ್ಲಿ ಫ್ಲ್ಯಾಟ್

ಬೆಂಗಳೂರು: ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಹಾಗೂ ರಾಜ್ಯ ಕಾಂಗ್ರೆಸ್ ಉಸ್ತುವಾರಿ ಕೆ.ಸಿ ವೇಣುಗೋಪಾಲ್ ಅವರಿಗಾಗಿ ಬೆಂಗಳೂರಿನಲ್ಲಿ  ಲಕ್ಷುರಿ ಅಪಾರ್ಟ್ ಮೆಂಟ್ ಮಾಡಲಾಗಿದೆ.

ರಾಜ್ಯ ಕಾಂಗ್ರೆಸ್ ನಾಯಕರು, ವಸಂತ ನಗರದ ಮೌಂಟ್ ಕಾರ್ಮೆಲ್ ಕಾಲೇಜು ಬಳಿಯಿರು ಎಂಬಸಿ ಹ್ಯಾಬಿಟೇಟ್ ಅಪಾರ್ಟ್ ಮೆಂಟ್ ಕಾಂಪ್ಲೆಕ್ಸ್ ನಲ್ಲಿ 5 ಬೆಡ್ ರೂಂ ಗಳುಳ್ಳ ಫ್ಲಾಟ್ ಫೈನಲ್ ಮಾಡಿದ್ದಾರೆ. 

ವೇಣುಗೋಪಾಲ್ ಬೆಂಗಳೂರಿಗೆ ಭೇಟಿ ನೀಡಿದಾಗ ಉಳಿದು ಕೊಳ್ಳಲು ಈ ಫ್ಲ್ಯಾಟ್ ಬಳಸಿಕೊಳ್ಳಲಿದ್ದಾರೆ. ಕೇರಳದ ಅಲಪ್ಪುಜಾ ಲೋಕಸಭೆ ಸದಸ್ಯರಾಗಿರುವ ವೇಣುಗೋಪಾಲ್ 4ಬಾರಿ ಎಐಸಿಸಿ ಪ್ರಧಾನ ಕಾರ್ಯದರ್ಶಿಯಾಗಿ ನೇಮಕವಾಗಿದ್ದಾರೆ. ಬೆಂಗಳೂರಿಗೆ ಬಂದಾಗ ಓಡಾಡಲು ವೇಣುಗೋಪಾಲ್ ಅವರಿಗೆ ಈಗಾಗಲೇ ರಾಜ್ಯ ಕಾಂಗ್ರೆಸ್ ಇನ್ನೋವಾ ಕ್ರಿಸ್ಟಾ ಕಾರು ನೀಡಿದೆ.

ಕ್ವೀನ್ಸ್ ರಸ್ತೆಯಲ್ಲಿರುವ ಕೆಪಿಸಿಸಿ ಕಚೇರಿಗೆ ಹತ್ತಿರವಾಗಲೆಂಬ ಉದ್ದೇಶದಿಂದ ವಸಂತ ನಗರದಲ್ಲಿ ವೇಣುಗೋಪಾಲ್ ಅವರಿಗೆ ನಿವಾಸ ಒದಗಿಸಲಾಗಿದೆ.