ಆದರೆ ಬಿಜೆಪಿಗೆ ಗೆಲುವು ಅಷ್ಟು ಸುಲಭವಲ್ಲ. ಇಲ್ಲಿ ಕಾಂಗ್ರೆಸ್ ಹಲವು ಬಾರಿ ಗೆದ್ದಿದೆ. ಇಲ್ಲಿ ಮೊದಲ ಬಾರಿ ಚುನಾವಣೆಯಲ್ಲಿ ಗೆದ್ದಿದ್ದು ಕಾಂಗ್ರೆಸ್ ಪಕ್ಷದಿಂದ ಎಸ್ ಎಂ ಸಿದ್ದಯ್ಯನವರು.ಅದು 1962ರಲ್ಲಿ, ನಂತರ ಸತತವಾಗಿ 1971ರವರೆಗೆ ಅವರು ಗೆದ್ದಿದ್ದರು, 1977ರಲ್ಲಿ ಕಾಂಗ್ರೆಸ್ ನಿಂದ ಬಿ ರಾಚಯ್ಯ ಜಯ ಗಳಿಸಿದ್ದರು. 1980ರ ಚೊಚ್ಚಲ ಚುನಾವಣೆಯಲ್ಲಿ ಈ ಕ್ಷೇತ್ರದಿಂದ ಶ್ರೀನಿವಾಸ ಪ್ರಸಾದ್ ಆಯ್ಕೆಯಾದರು. ಅಲ್ಲಿಂದ ನಂತರ ಸತತವಾಗಿ 1984, 1989 ಮತ್ತು 1991ರ ಚುನಾವಣೆಯಲ್ಲಿ ಕೂಡ ಜಯ ಕಂಡಿದ್ದರು. ಆದರೆ 1996ರ ಚುನಾವಣೆಯಲ್ಲಿ ಸೋತರು. ಅದು ಸ್ವತಂತ್ರ ಅಭ್ಯರ್ಥಿಯಾಗಿ ಸ್ಪರ್ಧಿಸಿದಾಗ. ಜನತಾ ದಳದ ಎ ಸಿದ್ದರಾಜು ಜಯ ಕಂಡರು.