ನವದೆಹಲಿ: ಆ್ಯಪಲ್ ಕಂಪನಿಯ ಬಹು ದುಬಾರಿ ಐ ಫೋನ್ ಎಕ್ಸ್ ಕೇವಲ ಕೆಲವೇ ನಿಮಿಷಗಳಲ್ಲಿ ಸೋಲ್ಡ್ ಔಟ್ ಆಗಿದೆ.
ಆ್ಯಪಲ್ ಕಂಪೆನಿಯ ಹೊಚ್ಚ ಹೊಸ ಐಫೋನ್‌ ಎಕ್ಸ್ ಮಾದರಿಯ ಪೋನನ್ನು ಭಾರತ ಸಹಿತ 55 ದೇಶಗಳಲ್ಲಿ ದೊರಕುವಂತೆ ಮಾಡಲಾಗಿತ್ತು. ಭಾರತದಲ್ಲಿ ಇಂದು ಶುಕ್ರವಾರ ಮಧ್ಯಾಹ್ನ 12.30ಕ್ಕೆ ಐ ಫೋನ್ ಎಕ್ಸ್ ಪ್ರೀ ಆರ್ಡರ್‌ ಬುಕ್ಕಿಂಗ್ ಆರಂಭಗೊಂಡಿತ್ತು.
ಕ್ಯಾಲಿಫೋರ್ನಿಯ ಕ್ಯುಪರ್ಟಿನೋದಲ್ಲೂ ಪ್ರೀ ಆರ್ಡರ್‌ ತೆರೆಯಲಾಗಿತ್ತು. ಫ್ಲಿಪ್‌ ಕಾರ್ಟ್‌ ಮತ್ತು ಅನಜಾನ್‌ ನಲ್ಲಿ ಪ್ರೀ ಬುಕ್ಕಿಂಗ್ ಆರಂಭಗೊಂಡ ಒಂದು ತಾಸಿಗೂ ಮುನ್ನವೇ ಐಫೋನ್‌ ಎಕ್ಸ್ ಸ್ಟಾಕ್‌ ಮುಗಿದು ಹೋಯಿತು.
ಐ ಫೋನ್ ಎಕ್ಸ್ 64ಜಿಬಿ ಮತ್ತು 256 ಜಿಬಿ ಮಾಡೆಲ್‌ಗ‌ಳಲ್ಲಿ ಸಿಲ್ವರ್‌ ಮತ್ತು ಸ್ಪೇಸ್‌ ಗ್ರೇ ಬಣ್ಣದಲ್ಲಿ ಲಭ್ಯವಿದೆ; ನವೆಂಬರ್‌ 3ರಿಂದ ಭಾರತದಲ್ಲಿ 89,000 ರೂ.ಗಳಿಂದ ಲಭ್ಯವಿರುತ್ತದೆ.
ಒಂದೊಮ್ಮೆ ನೀವು ಐಫೋನ್‌ ಎಕ್ಸ್ ಖರೀದಿಯಲ್ಲಿ ಆಸಕ್ತಿ ಹೊಂದಿರುವವರಾದರೆ ನೀವು ನಿಮ್ಮ ಇ-ಮೇಲ್‌ ಐಡಿಯನ್ನು 'ನೋಟಿಫೈ ಮಿ' ಟ್ಯಾಬ್‌ನಲ್ಲಿ ನಮೂದಿಸಬಹುದಾಗಿದೆ.
