ಅಮೆರಿಕದ ಪರ್ಸಿ ಎಂಬ ಪುಟ್ಟ ಮೊಲವೊಂದು ಜಗತ್ತೀನಾದ್ಯಂತ ವ್ಯಾಪಕ ಸುದ್ದಿಯಲ್ಲಿದೆ. ಇಷ್ಟಕ್ಕೂ ಇದು ಮೊಲ ಎಂಬ ಕಾರಣಕ್ಕೆ ಸುದ್ದಿಯಲ್ಲಿಲ್ಲ.. ಬದಲಿಗೆ ಇದೊಂದು 'SPECIAL POLICE'..
ಅಚ್ಚರಿಯಾದರೂ.. ಇದು ನಿಜ..ಇದು ಸಾಮಾನ್ಯ ಸಾಕು ಮೊಲವಲ್ಲ. ಕ್ಯಾಲಿಫೋರ್ನಿಯಾದ ಯುಬಾ ಸಿಟಿ ಪೊಲೀಸ್ ಇಲಾಖೆಯಲ್ಲಿ ಈ ಪರ್ಸಿ ವಿಶಿಷ್ಟ ಪೊಲೀಸ್ ಅಧಿಕಾರಿಯಾಗಿದೆ. ಈ ಪರ್ಸಿ ಮೊಲಕ್ಕೆ ಪೊಲೀಸ್ ಇಲಾಖೆಯಲ್ಲಿ "wellness officer" ಆಗಿ ಕಾರ್ಯ ನಿರ್ವಹಿಸುತ್ತಿದೆ.
ನಿತ್ಯ ವಿವಿಧ ಪ್ರಕರಣಗಳಲ್ಲಿ ದಣಿದು ಬರುವ ಪೊಲೀಸ್ ಸಿಬ್ಬಂದಿಗಳ ಒತ್ತಡ ನಿವಾರಿಸುವ ಕಾರ್ಯವನ್ನು ಈ ಪರ್ಸಿ ಮೊಲ ಮಾಡುತ್ತದೆ. ಕಚೇರಿಗೆ ಬರುವ ಪೊಲೀಸ್ ಸಿಬ್ಬಂದಿ ಈ ಮೊಲವನ್ನು ತೆಗೆದುಕೊಂಡು ಮುದ್ದಾಡಿ ಅದರೊಂದಿಗೆ ಕೆಲ ಸಮಯ ಕಾಲ ಕಳೆಯುತ್ತಾರೆ. ಇದರಿಂದ ಅವರ ಒತ್ತಡ ನಿವಾರಣೆಯಾಗುತ್ತದೆ ಎಂದು ಕೆಲ ಅಧಿಕಾರಿಗಳು ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.
ಈ ಮೊಲ ಓರ್ವ ಅಧಿಕಾರಿಗೆ ರಸ್ತೆ ಬದಿಯಲ್ಲಿ ಸಿಕ್ಕಿತಂತೆ.. ಅದನ್ನು ಅವರು ಠಾಣೆಗೆ ತಂದಿದ್ದರು. ಬಳಿಕ ಅದರ ಕುಟುಂಬಕ್ಕಾಗಿ ಪೊಲೀಸರು ಶೋಧ ನಡೆಸಿದರಾದರೂ ಅದರ ಕುಟುಂಬ ದೊರೆಯಲಿಲ್ಲ. ಹೀಗಾಗಿ ಠಾಣೆಯಲ್ಲೇ ಅದನ್ನು ಸಾಕುತ್ತಿದ್ದರು. ಬಳಿಕ ಹಿರಿಯ ಪೊಲೀಸ್ ಅಧಿಕಾರಿಗಳು ಈ ಮೊಲವನ್ನು ದತ್ತು ತೆಗೆದುಕೊಂಡು ಅದಕ್ಕೆ ಇಲಾಖೆಯಲ್ಲಿ ಒಂದು ಹುದ್ದೆ ಕೂಡ ಸೃಷ್ಟಿಸಿ ಜವಾಬ್ದಾರಿ ನೀಡಿದ್ದಾರೆ. ಇಲಾಖೆಯಲ್ಲಿ ಒತ್ತಡದಲ್ಲಿ ಕೆಲಸ ಮಾಡುವ ಸಿಬ್ಬಂದಿಗಳಿಗಾಗಿ 'Staff Wellness Program' ಯೋಜನೆಯಡಿ ಈ ಮೊಲಕ್ಕೆ ಹುದ್ದೆ ನೀಡಲಾಗಿದೆ.
ಇದೀಗ ಈ ವಿಶೇಷ ಅಧಿಕಾರಿ ಕಚೇರಿಗೆ ಬರುವ ಎಲ್ಲ ಪೊಲೀಸ್ ಸಿಬ್ಬಂದಿಗಳ ಒತ್ತಡ ನಿವಾರಿಸುವ ಕೆಲಸ ಮಾಡುತ್ತಿದ್ದು, ಕೆಲವರಿಗಂತೂ ಈ ಪರ್ಸಿ ಅಚ್ಚುಮೆಚ್ಚಿನ Friend ಆಗಿ ಹೋಗಿದೆ.
Advertisement