ಕಸದಿಂದ ರಸ; ಕೊಳೆಗೇರಿ ನಿವಾಸಿಗಳಿಗೆ Hasiru Sole ನೆರವು

ಸಾಮಾನ್ಯವಾಗಿ ಹೆಚ್ಚಿನವರು ತಮ್ಮ ಹಳೆಯ, ಸವೆದ ಬೂಟು ಮತ್ತು ಚಪ್ಪಲಿಗಳನ್ನು ತಮ್ಮ ಒಡಹುಟ್ಟಿದವರಿಗೆ ರವಾನಿಸಲು ಸಾಧ್ಯವಾಗದಿದ್ದರೆ ಅವುಗಳನ್ನು ಎಸೆಯುತ್ತಾರೆ. ಆದರೆ ಇಂತಹ ಕೆಲಸಕ್ಕೆ ಬಾರದ ಪಾದರಕ್ಷೆಗಳನ್ನು ಎಸೆಯಬೇಡಿ, ಬದಲಿಗೆ ಅವುಗಳನ್ನು ಹಸಿರು ಸೋಲ್ (Hasiru Sole) ಎಂಬ ಎನ್‌ಜಿಒವನ್ನು ನಿರ್ವಹಿಸುವ ಬೆಂಗಳೂರಿನ ಮಕ್ಕಳಿಗೆ ಹಸ್ತಾಂತರಿಸಿ.

16 ವರ್ಷದ ವೇದಿಕಾ ಬಾಲಚಂದ್ರನ್ ಮತ್ತು ಅಮೇಯಾ ಉಚಿಲ್ ಅವರು ಫೆಬ್ರವರಿ 2023 ರಲ್ಲಿ ಪರಿಕಲ್ಪನೆ ಮಾಡಿ ರಚಿಸಿದ್ದೇ ಈ Hasiru Sole ಎನ್‌ಜಿಒ. ಈ ಸಂಸ್ಥೆ ಇಲ್ಲಿಯವರೆಗೆ ಬೆಂಗಳೂರು ಮತ್ತು ಮುಂಬೈನ ಕೊಳೆಗೇರಿಗಳು, ಅನಾಥಾಶ್ರಮಗಳು ಮತ್ತು ಇತರ ಸ್ಥಳಗಳಲ್ಲಿರುವ ನಿರ್ಗತಿಕರಿಗೆ ಸುಮಾರು 6,000 ಜೋಡಿ ಪಾದರಕ್ಷೆಗಳನ್ನು ಹಸ್ತಾಂತರಿಸಿದೆ. ಅಲ್ಲದೆ ಅವರು 250 ಕ್ಕೂ ಹೆಚ್ಚು ಚಾಪೆಗಳು ಮತ್ತು 400 ಕಾಲು ಚೀಲಗಳನ್ನು ಸಹ ದಾನ ಮಾಡಿದ್ದಾರೆ.

ಹಸಿರು ಸೋಲ್ ಅನ್ನು ಪ್ರಾರಂಭಿಸುವ ಆಲೋಚನೆಯು ಒಂದು ವಾರಾಂತ್ಯದಲ್ಲಿ ಇಬ್ಬರೂ ನಡೆಸುತ್ತಿದ್ದ ಸಂಭಾಷಣೆಯ ಸಮಯದಲ್ಲಿ ಬಂದಿತ್ತು. ನಿರ್ಮಾಣ ಕಾರ್ಮಿಕರು ಬರಿಗಾಲಿನಲ್ಲಿ ನಡೆಯುವುದನ್ನು ಮತ್ತು ಪೌರಕಾರ್ಮಿಕರು ಅಸುರಕ್ಷಿತ ಪಾದರಕ್ಷೆಗಳೊಂದಿಗೆ ಕೆಲಸ ಮಾಡುವುದನ್ನು ಗಮನಿಸಿದ ನಂತರ ಈ ಆ ಆಲೋಚನೆ ಬಂದಿತು. ರಸ್ತೆ ಮೇಲೆ ಬಿದ್ದಿರುವ ಚೂಪಾದ ವಸ್ತುಗಳು, ಕಸ ಮತ್ತು ಜನರ ವಿವೇಚನೆಯಿಲ್ಲದ ಉಗುಳುವಿಕೆಯಿಂದ ತುಂಬಿದ ರಸ್ತೆಗಳಲ್ಲಿ ಮಕ್ಕಳು ನಡೆಯುವ ದೃಶ್ಯವು ಈ ಜನರಿಗೆ ಏನಾದರೂ ಮಾಡಲು ಪ್ರೇರೇಪಿಸಿತು ಎಂದು ಎನ್ ಜಿಒ ಮಕ್ಕಳು ಹೇಳಿದ್ದಾರೆ.

ಇಂದು ಹಸಿರು ಸೋಲ್ ತಂಡದಲ್ಲಿ 15 ಜನರಿದ್ದು, ಈ 15 ಸಮಾನ ಮನಸ್ಸಿನ ಸ್ನೇಹಿತರ ತಂಡವಾಗಿದ್ದಾರೆ. ಅವರು ತಮ್ಮನ್ನು ತಾವು ಒಂದು ಕ್ಲಬ್ ಎಂದು ಕರೆದುಕೊಳ್ಳುತ್ತಾರೆ. ಮುಂದೆ ಏನು ಮಾಡಬೇಕೆಂದು ನಿರ್ಧರಿಸಲು ಪ್ರತಿ ವಾರಾಂತ್ಯದಲ್ಲಿ ವರ್ಚುವಲ್ ಸಭೆಗಳನ್ನು ನಡೆಸುತ್ತಾರೆ.

ಈ ಬಗ್ಗೆ ಮಾತನಾಡಿರುವ ಹಸಿರು ಸೋಲ್ ತಂಡದ ಸದಸ್ಯರಾಗಿರುವ ವೇದಿಕಾ, 'ನಾವು ಶೂಗಳನ್ನು ಸಂಗ್ರಹಿಸಿದ ತಕ್ಷಣ ಅವುಗಳನ್ನು ಹಸ್ತಾಂತರಿಸುವುದಿಲ್ಲ. ನಾವು ಚಮ್ಮಾರರನ್ನು ಬಳಸಿಕೊಂಡು ಅವುಗಳನ್ನು ಉನ್ನತೀಕರಿಸುತ್ತೇವೆ ಮತ್ತು ನಂತರ ಹಸ್ತಾಂತರಿಸುತ್ತೇವೆ. ಶೂಗಳನ್ನು ದುರಸ್ತಿ ಮಾಡಲು ಹಣವನ್ನು ನೆರೆಹೊರೆಯ ಲೋಕೋಪಕಾರಿಗಳಿಂದ ಮತ್ತು ದೇಣಿಗೆಗಳ ಮೂಲಕ ಸಂಗ್ರಹಿಸಲಾಗುತ್ತದೆ" ಎಂದು ಹೇಳಿದರು.

ತಂಡದ ಮತ್ತೋರ್ವ ಸದಸ್ಯರಾದ ಉಚಿಲ್ ಮಾತನಾಡಿ, "ಇತ್ತೀಚಿನ ದಿನಗಳಲ್ಲಿ ಬೆಂಗಳೂರಿನಲ್ಲಿ ಚಮ್ಮಾರರನ್ನು ಹುಡುಕುವುದು ಕಷ್ಟ. ಕೆಲವೊಮ್ಮೆ, ನಾವು ಅವರನ್ನು ಹುಡುಕಲು ನಗರದ ಹೊರವಲಯಕ್ಕೆ ಹೋಗುತ್ತೇವೆ. ಈ ರೀತಿಯಾಗಿ, ನಾವು ಅವರಿಗೆ ಜೀವನೋಪಾಯ ಗಳಿಸಲು ಸಹಾಯ ಮಾಡುತ್ತಿದ್ದೇವೆ ಎಂದರು.

ಅಂತೆಯೇ ವೇದಿಕಾ ಅವರು ಇನ್‌ಸ್ಟಾಗ್ರಾಮ್ ಹ್ಯಾಂಡಲ್ (@hasirusoleclub) ಹೊರತುಪಡಿಸಿ ಯಾವುದೇ ವೆಬ್‌ಸೈಟ್ ಅಥವಾ ಸಾಮಾಜಿಕ ಮಾಧ್ಯಮ ಪುಟವನ್ನು ಹೊಂದಿಲ್ಲ. ಇಲ್ಲಿಯೇ ನಾವು ಶೂಗಳನ್ನು ವಿತರಿಸಿದ ನಂತರ ಚಿತ್ರಗಳನ್ನು ಪೋಸ್ಟ್ ಮಾಡುತ್ತೇವೆ. ನಮ್ಮಲ್ಲಿ ಇಮೇಲ್ ವಿಳಾಸವೂ ಇದೆ (hasirusole@gmail.com). ಜನರು ತಮ್ಮ ಬಳಿ ಬೂಟುಗಳನ್ನು ನೀಡಲು ಅಥವಾ ನಮಗೆ ಇಮೇಲ್ ಮಾಡಬಹುದಾಗಿದೆ. ನಾವು ಅವುಗಳನ್ನು ಅವರ ಮನೆ ಬಾಗಿಲಿನಿಂದ ಉಚಿತವಾಗಿ ಸಂಗ್ರಹಿಸುತ್ತೇವೆ. ನಂತರ ಅವುಗಳನ್ನು ಉನ್ನತ ದರ್ಜೆಗೆ ತಂದು ಯಾವುದೇ ವೆಚ್ಚವಿಲ್ಲದೆ ಅಗತ್ಯವಿರುವವರಿಗೆ ವಿತರಿಸಲಾಗುತ್ತದೆ ಎಂದು ವೇದಿಕಾ ಹೇಳಿದರು.