ಜೋಹರ್ ಬಹ್ರು: ಸ್ಕಾಟ್ಲೆಂಡ್ ನ ಆಟಗಾರ ಲೂಕ್ ಟೇಲರ್ ಗಳಿಸಿದ ಹ್ಯಾಟ್ರಿಕ್ ಗೋಲಿನ ನೆರವಿನಿಂದಾಗಿ ಬ್ರಿಟನ್ ಕಿರಿಯರ ಹಾಕಿ ತಂಡ ಸೋಮವಾರ ನಡೆದ ಜೋಹರ್ ಕಪ್ ಪಂದ್ಯಾವಳಿಯಲ್ಲಿ ಭಾರತ ತಂಡದ ಕಿರಿಯರ ತಂಡದ ವಿರುದ್ಧ 4-3 ಅಂತರದಲ್ಲಿ ಜಯ ದಾಖಲಿಸಿತು.
ಪಂದ್ಯಾವಳಿಯ ಆರಂಭಿಕ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ 5-1ರಿಂದ ಜಯ ಸಾಧಿಸಿ ಉತ್ಸಾಹದಲ್ಲಿದ್ದ ಹಾಲಿ ಚಾಂಪಿಯನ್ ಭಾರತ ಸೋಮವಾರ ನಡೆದ ತನ್ನ ಎರಡನೇ ಪಂದ್ಯದಲ್ಲಿ ನಿರಾಸೆ ಮಾತ್ರ ಅನುಭವಿಸಿತು. ಇದೇ 14ರಂದು ನಡೆಯಲಿರುವ ತನ್ನ ಮೂರನೇ ಲೀಗ್ ಪಂದ್ಯದಲ್ಲಿ ಭಾರತ ಅರ್ಜೈಂಟೆನಾವನ್ನು ಎದುರಿಸಲಿದೆ.
ಆಂಗ್ಲರ ಮುನ್ನಡೆ: ಪಂದ್ಯದ ಆರಂಭದಿಂದಲೂ ಇತ್ತಂಡಗಳ ಆಟಗಾರರು ಉತ್ಸಾಹದಿಂದಲೇ ಕಾದರು. ಆದರೆ ಭಾರತದ ರಕ್ಷಣಾ ವ್ಯೂಹವನ್ನು ಬೇಧಿಸುವಲ್ಲಿ ಯಶಸ್ವಿಯಾದ ಬ್ರಿಟನ್ನ ಆಟಗಾರರು 6ನೇ ನಿಮಿಷದಲ್ಲಿ ಮೊದಲು ಗೋಲು ದಾಖಲಿಸಿದರು. ಈ ಗೋಲು ಗಳಿಸಿದ್ದು ಜೇಮ್ಸ್ ಸಿಂಪ್ಸನ್. ಪಂದ್ಯದ 17ನೇ ನಿಮಿಷ ಹಾಗೂ 26ನೇ ನಿಮಿಷದಲ್ಲಿ ಸುಮಿತ್ ಕುಮಾರ್ ಭಾರತಕ್ಕೆ ಮೊದಲ ಗೋಲಿನ ಸಂಭ್ರಮ ತಂದಿತ್ತರು. ಮತ್ತೊಬ್ಬ ಆಟಗಾರ ಮನ್ಪ್ರೀತ್ ಜೂನಿಯರ್ 29ನೇ ನಿಮಿಷದಲ್ಲಿ ಗೋಲು ಗಳಿಸುವ ಮೂಲಕ ಭಾರತಕ್ಕೆ 3-1 ಮುನ್ನಡೆ ತಂದಿತ್ತರು.
