ಬಾಸ್ಕೆಟ್‍ಬಾಲ್: ಜಪಾನ್‍ಗೆ ಮಣಿದ ಭಾರತ

ಚಾಂಗ್‍ಶಾ(ಚೀನಾ): ಆಕ್ರಮಣಕಾರಿ ಆಟವಾಡಿದ ಜಪಾನ್ ವಿರುದ್ಧ ಕಳಾಹೀನ ಪ್ರದರ್ಶನ ನೀಡಿದ ಭಾರತ ಬಾಸ್ಕೆಟ್‍ಬಾಲ್ ಏಷ್ಯಾ ಚಾಂಪಿಯನ್‍ಶಿಪ್ ಪಂದ್ಯಾವಳಿಯಲ್ಲಿ ಸೋಲನುಭವಿಸಿದೆ.

ಶುಕ್ರವಾರ ನಡೆದ 'ಎ' ಗುಂಪಿನ ಪಂದ್ಯದ ಆರಂಭದಲ್ಲಿ ಉತ್ತಮವಾಗಿಯೇ ಕಾದಾಡಿದ ಭಾರತ, 11 ಪಾಯಿಂಟ್ಸ್‍ಗಳನ್ನು ತನ್ನದಾಗಿಸಿಕೊಂಡಿತು. ಅಂತೆಯೇ ಎರಡನೇ ಕ್ವಾರ್ಟರ್‍ನಲ್ಲಿಯೂ ಆಕರ್ಷಕ ಆಟವಾಡಿ 18-15ರಿಂದ ಮುನ್ನಡೆ ಸಾಧಿಸಿತು. ಆದರೆ ಒಡನೆಯೇ ಚುರುಕಿನ ಆಟವಾಡಿದ ಜಪಾನ್ ಎರಡನೇ ಅವಧಿಯ ಮೊದಲ ಏಳು ನಿಮಿಷಗಳಲ್ಲೇ 16-7ರ ಮುನ್ನಡೆಯೊಂದಿಗೆ ತಿರುಗೇಟು ನೀಡಿತು.

ಭಾರತದ ಪರ ವಿಶೇಶ್ ಭೃಗುವಂಶಿ 24 ಪಾಯಿಂಟ್ಸ್ ಪಡೆದರೆ, ಜಪಾನ್ ಪರ ಟಕಿಯುಚಿ ಜೊಜಿ 22 ಪಾಯಿಂಟ್ಸ್ ಗಳಿಸಿದರು.