ಪಿವಿ ಸಿಂಧು,ಸಾಕ್ಷಿ ಹಾಗೂ ದೀಪಾ ಕರ್ಮಾಕರ್ ಗೆ ಡೈಮಂಡ್ ನೆಕ್ಲೇಸ್ ಗಿಫ್ಟ್

ಚೆನ್ನೈ: ರಿಯೋ ಒಲಿಂಪಿಕ್ಸ್ ಭಾರತದ ವನಿತೆಯರು ಉತ್ತಮ ಪ್ರದರ್ಶನ ನೀಡಿ ದೇಶದ ಕ್ರೀಡಾಭಿಮಾನಿಗಳ ಮನಗೆದ್ದಿದ್ದಾರೆ. ಪಿವಿ ಸಿಂಧು, ಸಾಕ್ಷಿ ಮಲಿಕ್ ಹಾಗೂ ದೀಪಾ ಕರ್ಮಾಕರ್‍ಗೆ ಡೈಮಂಡ್ ನೆಕ್ಲೆಸ್ ಉಡುಗೊರೆಯಾಗಿ ಸಿಗುತ್ತಿದೆ.

ಚೆನ್ನೈನ ಎನ್‍ಎಸಿ ಜುವೆಲ್ಲರ್ಸ್ ಈ ಮೂವರು ಪದಕ ವಿಜೇತರಿಗೆ ವಜ್ರದ ನೆಕ್ಲೆಸ್ ನೀಡಲು ನಿರ್ಧರಿಸಿದೆ. ಇದರಲ್ಲಿ ಪಿವಿ ಸಿಂಧುಗೆ 6 ಲಕ್ಷ ರೂ. ಮೌಲ್ಯದ ಡೈಮಂಡ್ ನೆಕ್ಲೆಸ್, ಸಾಕ್ಷಿ ಮಲಿಕ್‍ಗೆ 3 ಲಕ್ಷ ರೂ. ಹಾಗೂ ದೀಪಾ ಕರ್ಮಾಕರ್‍ಗೆ 1 ಲಕ್ಷ ರೂ. ಮೌಲ್ಯದ ಡೈಮಂಡ್ ನೆಕ್ಲೆಸ್ ನೀಡಲು ಬಯಸಿದೆ.

2016ರ ರಿಯೋ ಒಲಿಂಪಿಕ್ಸ್‍ನಲ್ಲಿ ಬಾಡ್ಮಿಂಟನ್ ಆಟಗಾರ್ತಿ ಪಿವಿ ಸಿಂಧು ಬೆಳ್ಳಿ ಪದಕ ಗೆದ್ದಿದ್ದರು, ಇತ್ತ 54 ಕೆಜಿ ಫ್ರೀ ಸ್ಟೈಲ್ ಕುಸ್ತಿಯಲ್ಲಿ ಸಾಕ್ಷಿ ಮಲಿಕ್ ಕಂಚಿನ ಪದಕ ಗೆದ್ದಿದ್ದರು. ಇನ್ನೂ ಮೊದಲ ಬಾರಿಗೆ ರಿಯೋದಲ್ಲಿ ಭಾಗವಹಿಸಿದ್ದ ಜಿಮ್ನಾಸ್ಟಿಕ್ ಪಟು ದೀಪಾ ಕರ್ಮಾಕರ್ ನಾಲ್ಕನೇ ಸ್ಥಾನಕ್ಕೆ ತೃಪ್ತಿ ಪಟ್ಟಿದ್ದರಾದರೂ ಕೋಟಿ ಕ್ರೀಡಾಭಿಮಾನಿಗಳ ಮನಗೆದ್ದಿದ್ದರು.