ಜಕಾರ್ತ: ಜಕಾರ್ತದಲ್ಲಿ ನಡೆಯುತ್ತಿರುವ 18ನೇ ಏಷ್ಯನ್ ಗೇಮ್ಸ್ ಕ್ರೀಡಾಕೂಟದ ಪುರುಷರ 10,000 ಮೀಟರ್ ಓಟದಲ್ಲಿ ಲಕ್ಷ್ಮಣನ್ ಗೋವಿಂದನ್ ಗೆದ್ದಿದ್ದ ಕಂಚಿನ ಪದಕ ಅಸಿಂಧು ಎಂದು ಘೋಷಿಸಲಾಗಿದೆ.
ಇಂದು ನಡೆದ 10,000 ಮೀಟರ್ ಪುರುಷರ ಓಟದಲ್ಲಿ ಲಕ್ಷ್ಮಣನ್ ಗೋವಿಂದನ್ 29 ನಿಮಿಷ 44.91 ಸೆಕೆಂಡ್ ನಲ್ಲಿ ಗುರಿ ಮುಟ್ಟಿದ್ದರು. ಇದರೊಂದಿಗೆ ಮೂರನೇ ಸ್ಥಾನ ಪಡೆದು ಕಂಚಿನ ಪಡೆದಿದ್ದರು.
ಆದರೆ ಅಧಿಕಾರಿಗಳು ಓಟದ ಮರು ವೀಕ್ಷಣೆಯನ್ನು ನೋಡಿದಾಗ ಲಕ್ಷ್ಮಣನ್ ಕಾಲು ಗೆರೆಯಿಂದ ಹಿಂದಿರುವುದನ್ನು ಕಂಡು ಅವರಿಗೆ ನೀಡಲಾಗಿದ್ದ ಕಂಚಿನ ಪದಕವನ್ನು ಹಿಂಪಡೆದಿದ್ದಾರೆ.
ಇನ್ನು 10,000 ಮೀಟರ್ ಓಟದಲ್ಲಿ ನಾಲ್ಕನೇ ಸ್ಥಾನ ಪಡೆದಿದ್ದ ಚೀನಾದ ಚಾಂಗ್ಹಾಂಗ್ ಝಾವೋ ಇದೀಗ ಮೂರನೇ ಸ್ಥಾನ ಪಡೆದು ಕಂಚಿನ ಪದಕ ಗೆದ್ದಿದ್ದಾರೆ.
