ನವದೆಹಲಿ; ಭಾರತೀಯ ಕ್ರಿಕೆಟರ್ ಹಾಗೂ ಪತಿ ಮೊಹಮ್ಮದ್ ಶಮಿ ವಿರುದ್ಧ ಆರೋಪ ಮುಂದುವರಿಸಿರುವ ಹಸೀನ್ ಜಹಾನ್, ವೈವಾಹಿಕ ಜೀವನವನ್ನು ಉಳಿಸಲು ತನ್ನಿಂದಾದ ಪ್ರಯತ್ನ ಮಾಡಿದ್ದೇನೆ. ಟ್ವಿಟ್ಟರ್ ನಲ್ಲಿ ಈ ಬಗ್ಗೆ ಬರೆಯುವವರೆಗೂ ವೈವಾಹಿಕ ಜೀವನವನ್ನು ಉಳಿಸಲು ಶಮಿ ಅವರಿಗೆ ಸಾಕಷ್ಟು ಬಾರಿ ಮನವೊಲಿಸಿದ್ದೆ. ಆದರೆ ಪ್ರಯೋಜನವಾಗಲಿಲ್ಲ. ಅವರು ಮತ್ತೆ ನನ್ನ ಜೀವನದಲ್ಲಿ ಬರುವುದಾದರೆ ಪರಿಗಣಿಸಲು ತಯಾರಿದ್ದೇನೆ ಎಂದು ಹಸೀನ್ ಜಹನ್ ಹೇಳಿದ್ದಾರೆ.
ಆರೋಪಗಳಿಂದ ಮುಕ್ತರಾಗಲು ಶಮಿ ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದ್ದಾರೆ. ಆತನ ಮೊಬೈಲ್ ಫೋನ್ ಸಿಗುತ್ತಿಲ್ಲದಿದ್ದರೆ ಓಡಿಹೋಗುತ್ತಿದ್ದರು. ತನ್ನ ತಪ್ಪುಗಳನ್ನು ಒಪ್ಪಿಕೊಂಡು ಮತ್ತೆ ಒಟ್ಟಿಗೆ ಸಂತೋಷವಾಗಿ ಬಾಳೋಣವೆಂದು ಅವರ ಮನವೊಲಿಸಲು ಪ್ರಯತ್ನಿಸಿದ್ದೆ. ಹಲವು ಸಮಯಗಳ ಕಾಲ ಕಾದಿದ್ದೆ. ನನಗೆ ಮೊಬೈಲ್ ಫೋನ್ ಸಿಗದಿದ್ದರೆ ಅವರು ಉತ್ತರ ಪ್ರದೇಶಕ್ಕೆ ಓಡಿ ಹೋಗುತ್ತಿದ್ದರು. ಮೊಬೈಲ್ ಫೋನ್ ಸಿಗದಿರುತ್ತಿದ್ದರೆ ಇಷ್ಟು ಹೊತ್ತಿಗೆ ನನಗೆ ವಿಚ್ಛೇದನ ನೀಡಿ ಆಗುತ್ತಿತ್ತು ಎಂದು ಹಸೀನಾ ಆರೋಪಿಸಿದ್ದಾರೆ.
ಹಸೀನಾ ಈಗಾಗಲೇ ಮೊಹಮ್ಮದ್ ಶಮಿ ವಿರುದ್ಧ ಕೊಲೆ ಯತ್ನ, ವಿವಾಹೇತರ ಸಂಬಂಧ ಮತ್ತು ಗೃಹಹಿಂಸೆಯ ಕೇಸು ದಾಖಲಿಸಿದ್ದಾರೆ. ಕೇಸಿಗೆ ಸಂಬಂಧಪಟ್ಟಂತೆ ಈಗಾಗಲೇ ಶಮಿ ವಿರುದ್ಧ ಜಾಮೀನುರಹಿತ ವಾರಂಟ್ ಹೊರಡಿಸಲಾಗಿದೆ.
