ಚಂಡಿಘರ್: ವಿಶ್ವದ ನಂಬರ್ ಒನ್ ಕುಸ್ತಿಪಟು ಬಜರಂಗ್ ಪುನಿಯಾ ಶೀಘ್ರವೇ ವಿವಾಹವಾಗಲಿದ್ದಾರೆ. ಖ್ಯಾತ ಕುಸ್ತಿ ಪಟುಗಳ ಕುಟುಂಬವಾದ ಪೋಗಟ್ ಕುಟುಂಬದ ಕುಡಿ ಸಂಗೀತಾ ಪೋಗಟ್ ಅವರನ್ನು ವರಿಸಲಿದ್ದಾರೆ ಎಂದು ಕುಟುಂಬ ಮೂಲಗಳು ಗುರುವಾರ ತಿಳಿಸಿವೆ.
ಟೋಕಿಯೊದಲ್ಲಿ ನಡೆವ 2020 ರ ಒಲಿಂಪಿಕ್ಸ್ ನಂತರ ವಿವಾಹ ಸಮಾರಂಭ ನಡೆಯುವ ಸಾಧ್ಯತೆ ಇದೆ.
65 ಕೆಜಿ ವಿಭಾಗದ ಕುಸ್ತಿಪಟು ಬಜರಂಗ್ ಮತ್ತು 59 ಕೆಜಿ ತೂಕ ವಿಭಾಗದಲ್ಲಿ ರಾಷ್ಟ್ರೀಯ ಪದಕ ವಿಜೇತೆಯಾಗಿರುವ ಸಂಗೀತಾ - ತಮ್ಮ ಕುಟುಂಬಗಳಿಗೆ ಮದುವೆಯಾಗುವ ನಿರ್ಧಾರವನ್ನು ತಿಳಿಸಿದ್ದಾರೆ ಎಂದು ಫೋಗಟ್ ಕುಟುಂಬದ ಸದಸ್ಯರೊಬ್ಬರು ಐಎಎನ್‌ಎಸ್‌ಗೆ ತಿಳಿಸಿದ್ದಾರೆ.
ಸಂಗೀತಾ ತಂದೆ ಮಹಾವೀರ್ ಸಿಂಗ್ ಮಾಧ್ಯಮಗಳಿಗೆ ಈ ಬಗೆಗೆ ತಿಳಿಸಿದ್ದು ಇದು ಮಕ್ಕಳ ಆಶಯ ಮತ್ತು "ನಾವು ಅವರ ಭಾವನೆಗಳನ್ನು ಗೌರವಿಸುತ್ತೇವೆ". ಎಂದರು.
